Sunday, June 24, 2007

رنا

تحدثت إليّ رنا اليوم
ورنا -لمن لا يعرف- كانت صديقتي في المرحلة الإعدادية والثانوية
ثم صارت من الأصدقاء الذين لا تحادثهم إلا كل عدة أشهر مرة.. ولكن في هذه المرة تحكي لها عن كل ما مر في حياتك في هذه العدة أشهر
فاجأتني رنا اليوم بقولها أنها قد ارتدت النقاب لتوها
حقا سبحان الله.. إن الله يهدي من يشاء
فرنا -من جملة صديقاتي- هي الوحيدة التي لم ترتد الحجاب إلا في المرحلة الثانوية بعد كثير من العناء
وحجابها لم يكن كأي حجاب.. بل كان من النوع الذي تراه فتدعو بأن يعافيها الله
..
أسعدتيني يا رنا
فليثبتك الله.. ويهدينا

17 comments:

Anonymous said...

قبل ما اكتب كومنت احب الاول اعرف الناس بيا
انا من مدونة جميلة بتفضفض وكمان ياريت الناس اللى هنا ينورونا هناك ويمامة شاردة كمان

فعلا انك لا تهدى من احببت
ربنا يثبت الكل على الوجه الذى يرضيه عنا
بس في نقطة وان كان مش مجال هنا لنقاشها لكن اهى على بالي بمناسبة النقاب
حصل جدال كبير جدا بين مدى ان النقاب فرض او سنة
لكن المنطق يقول انه لو كان فرض مكناش كشفنا الوجه اثناء الصلاة او في الحج والعمرة بالبيت الحرام
يعنى ربنا يهدى الجميع لما يرضيه

اتمنى زيارتى تكون خفيفة على الجميع

عاشقة ضوء القمر

دينا فهمي said...

أهلا بيكي يا عاشقة ضوء القمر (:
أنا كمان من المقتنعين بأن النقاب سنة مش فرض
وماتقلقيش يا ستي.. زيارتك كانت خفيفة علينا (:

يا مراكبي said...

أنا من كذا يوم وأنا لافت نظري جدا البوستين اللي بتاريخ 17 و18 يونيو

كنت هأكتب تعليق عليهم وبعدين قلت بلاش .. بلاش نفكرك بالماضي وخلينا في الحاضر أحسن

ليه سميتي البلوج إمرأة مش فتاة؟

دينا فهمي said...

ليه بلاش؟؟
وهو الماضي من امتى نسيته؟ (: بالعكس الأحسن ان احنا نتعامل معاه بشكل عادي عشان يكون الشاء منه صحيح وطبيعي
أما عن تسميتي للبلوج

فلأن كلمة امرأة تحس فيها بأنوثة أكتر ونضج أكتر.. تحس إنها جامعة كل صفات الأنثى
أما كلمة فتاة فمش مستصيغاها على نفسي يعني (:

يا مراكبي said...

ماشي .. هعديها المرة دي

السؤال التاني: ليه كان عمرك في البلوج القديم 18 سنة ومرة واحدة في البلوج الجديد بقى 22 سنة؟

تــسنيـم said...

ياااااااه ربنا يثبتها يارب ويكرمها ويحبب إليها الطاعة

دينا فهمي said...

ااااااااااااااه
عشان كده مرة قلتلي اول ما غيرت اسم البلوج اني كبرت فجأة 4 سنين
انا والله من يوم ما عملت البلوج بتاعتي وانا مكتوب عندي ان سني 22 واسأل كل الناس اللي هنا
على فكرة بجد شكلك مش عارف انا مين ومتلغبط بين مدونتي ومدونة حد تاني (:

تسنيم
بجد ربنا يسمع منك

أندلس said...

رنا دي صحيتك أوي يا دينا يعني
احتمال تعملي زيها قريب ولا حاجة؟؟؟
سبحان الله كتير من المنقبات مروا بالتغيرات والمراحل اللي بين عدم الحجاب والنقاب بسرعة غريبة
ربنا يصلح الحال

دينا فهمي said...

هي صاحبتي اه بس مش هعمل زيها
على الاقل الفترة اللي جاية (:

Dalia said...

ربنا يهديها و يثبتها يارب
قولى لها مبروك على النقاب

دينا فهمي said...

الله يبارك فيكي يا رب (:

3abdo me7tas said...

فى الأول اقول ربنا يهدى الجميع والحمد الله ان صاحبتك عرفت أهمية النقاب ولبسته
كانت تجربة ليا برضه فى بعض الاصدقاء لما لقيت مرة واحده بعض الأصدقاء اطلقو اللحية ولبسو جلبيات ومن البيت للجامع والعكس انا استغربت جدا جدا لما شوفتهم هما دول اللى كانو بيعملو كذا وكذا وكذا سبحان مغير الأحوال وقبلتهم قبل كده فى كام ندوة دينية وكنت فرحان جدا إنى بسلم عليهم
أما أنا دلوقتى عادى جدا لبس عادى دقنى مش علطول بحلقها ومش علطول بسيبها زمان مر عليا أيام كنت مربى فيها دقنى ولبست الجلباب والبنطلون الأبيض تحته ومن البيت للجامع والعكس لاكن جالى خبر فظيع لما سمعته أمن الدولة مالها يا عم اسمك موجود عندها عشان وعشان لقيت حاجات كتير اوى انا اول مرة اسمعها عنها ودى المفروض انى عملتها عندهم يعنى فاضطريت انى احلق دقنى والبس الملابس التانية بس صلتى بربنا مش اتغيرت والحمد الله على كل شئ فاحب اقول ان لبس النقاب مش فى شكلة لا ابدا المقدار فى اللى جوا الإنسان مقدار حبه لدينه وعمل ما يميليه عليه هذا الدين
فربنا يهدى الجميع ويهدينا جميعا بإذن الله
جزاك الله كل خير على هذا الموضوع يا إمرأة مش فتاه
;)

كراكيب عادل said...

يهدي من يشاء

مدونتك جميلة وفضفضتك رقيقة

loumi said...

اول زياره
وان شاء الله تتكرر
كلماتك جميله جدا
وافكارك متنوعه جدا برضه
الاغنيه اكثر من رائعه
لن اتحدث فى هذا الموضوع الجدلى
النقاب
وربنا يهدى الجميع لما يحب ويرضى
انا كنت فاكرة انك اكبر من كده فى السن
لان اسم المدونه يوحى بذلك
تحياتى لك

دينا فهمي said...

محمد
ربنا يهدينا كلنا
ويجعل كلامنا خفيف عليهم (:


عادل
متشكرة بجد
نورتني (:


لومي
نورتيني بجد
اما بأه عن موضوع السن فيا بنتي الرك على العقل (;

الربان said...

تحياتي

ربنا يثبت الجميع علي الايمان الكامل و ينقلنا برحمته الي مقام الإحسان.

اولا احترامي لمن ترتدي النقاب و غير المنقبات...الموضوع شخصي بحت.

اما بالنسبة لموضوع النقاب فرض ام سنه
فكأني سمعت من أحد كبار العلماء أنه
فضيلة....بينما الحجاب فريضة...
هذا و الله تعالي أعلم
و مبروك لصاحبة الشأن.

و تحياتي و تقديري لشخصك.

دينا فهمي said...

سعيدة جدا بزيارتك
وكالعادة.. الاختلاف في الرأي لا يفسد للود قضية
كل التحايا والتقدير