Sunday, June 10, 2007

كنا ثمانية

كنا ثمانية بنات
وهذا كل شيء
نعم.. فدفعتي التي عشت معها أربع سنوات من عمري لم تكن سوى ثمانية بنات
هدى.. سحر.. غادة.. رنا.. رباب.. فايزة.. أمينة... وأنا
واليوم كان آخر ما لي معهم
ومن يدري؟ فربما لن أراهم مرة أخرى
......
لم أكن متعلقة بهم كأصدقاء.. وإنما هو التعود
التعود الذي يكون أثره أحيانا على النفس أقوى من.. الحب
......
.
هدى.. صديقتي اللدودة إذا صح التعبير
ولا أجد ما يصفها أفضل من البيت القائل
بعيدا على قرب.. قريبا على بعد
أسأفتقدها؟؟
حقيقة لا أدري
......
سحر.. الوحيدة التي قالت لي اليوم
هتوحشيني يا دينا
مع أننا لم نكن أصدقاء بالمعنى المتعارف عليه
ولكنني أحبها حقا
وأعلم أنني سأفتقدها يوما
......
غادة.. سأحاول أن أسأل عنها كل فترة بحكم العشرة
ولكنني أعلم أنني لن أفتقدها
......
رنا.. غريبة هي كزهرة سوداء
ولكنني سأودها أيضا بين الحين والآخر
ولن أفتقدها
.....
رباب.. أدعو لها من كل قلبي أن تنجح هذا العام
فيكفيها ما أهدرته من عمرها في هذه الكلية البائسة
تحبني هي وأنا أعلم ذلك جيدا
يكفيني أنها خرجت من بيتها ليلة العيد خصيصا لتحدثني على موبايلي لأن هاتف بيتنا كان مشغولا كالعادة
خرجت من بيتها لتقول لي كل عام وأنت بخير
سأسأل عنها دائما
ولن أدعها تفتقدني
.....
فايزة.. من طنطا هي
ولا أدري حقا أسيكون متاحا لنا أن نتزاور بعد اليوم أم لا
ولكني سأفتقدها حقا
......
أمينة.. من الفيوم أيضا
وأعلم أنني لن أراها مرة أخرى
وأعلم أنني أيضا لن أفتقدها
ولكنني سأسأل عنها أيضا مراعاة لزمالة أربع سنوات
.
.
متأثرة أنا
فما أسوأ الفراق
.
وما أسوأ أننا لن نعد بعد اليوم ثمانية

24 comments:

أندلس said...

ثمانية بس

ايه الهنا دة

احنا كنا فوق ال300 ومننا حوالي 12 بس من القاهرة

طبعا ولا الهوا

لا اعرف عن اللي في القاهرة حاجة ولا اللي في حري والصعيد

ايام ...

بس انت هتفتقديهم يا دينا...شخصيتك برضو

تــسنيـم said...

وتعود وحدك...



هكذا هي الدنيا وسنرضى مختارين أن ندور معها

دينا فهمي said...

أندلس
في ناس هفتقدهم أنا عارفة لكن في ناس ما أعتقدش


تسنيم
مش هعود لوحدي
بس بجد هو كده حال الدنيا
لقاء ثم فراق

يا مراكبي said...

دينا .. أنا مالحقتش أعلق على البوست اللي فات

كنت مستغرب إنك غيرتي عنوان البلوج .. والرابط .. وكمان كبرتي 4 سنين مرة واحدة

لكن النهاردة لقيتك إتخرجتي وهتسيبي أصحابك اللي عشتي معاهم فترة طويلة وخايفة تتفرقوا

لكن هي الدنيا كده .. دايما فيها فراق .. للأسف

الطائر الحزين said...

السلام عليكم
هكذا حال الدنيا تسوقنا من قدر الى قدر نرتمى فى حضن ونفارق احضان
سلام

دينا فهمي said...

يا مراكبي
ازاي كبرت أربع سنين مرة واحدة في البوست اللي فات؟؟
أنا غيرت عنوان البلوج واللينك لأسباب شخصية بحتة.. عشان مش عايزة ناس لما يعملوا سيرش على العناوين القديمة يعرفوا يوصلولي
دي كل الحكاية
والاسم ده كان في دماغي من زمان وعاجبني أوي فعشان كده اختارته
وبس كده (:


الطائر الحزين
وعليك السلام ورحمة الله
شرفت بزيارتك وتعليقك (:

ody911 said...

عادى بقة يا دينا

الدنيا على كدة


نقابل ناس ونحب ناس

ونسيب ناس وننسى ناس

وكل الناس بتتفارق


عادى بقة
أودى

محمد عبد الغفار said...

هكذا حال الدنيا ، احبب من شئت فإنك مفارق

لكنى أؤمن بالقاء الثانى فحرصن ان تكن على خير عنده

دينا فهمي said...

اودي
صح هي الدنيا كده
بس مش معنى انها كده ان مش من حقنا نتأثر
نورتني (:


محمد عبد الغفار
الايمان باللقاء الثاني
ممممممم
فكرة حلوة

Anonymous said...

عنوان البلوج كتير حلو يا دينا

الحياة بتسرقنا حتى من نفسنا و بكرا بيجي يوم بتحاولي تتذكري وجوههم و يمكن ما تقدري ..كنت متعلق ببعض اصدقاء الدراسة و هلئ بعجز اتذكر ملامح بعضهم احيانا ..وهيدا ما إلو علاقة بالوفاء ..قبل فترة كنت عم بحكي مع اخي على التلفون و بدي اسأله عن مراته و نسيت اسمها ..تخـيـّلي ..مع اني لسه بأول عمري و ما لحقت اخرّف ..و على اساس نحن عائلة مترابطة ...بس الحياة ما فيها شيء مترابط .إلا التعب ..فقط.. هيدا مترابط ومرتبط و مربوط و مرابط كمان ..
يا رب تكون حياتك حلوة دايما
شكرا كتير على ثقتك وعلى كلامك اللي كتبتيه عندي
كلك ذوق يا دينا وربنا يوفقك

دينا فهمي said...

نسيت اسم مرات اخوك؟؟
لا بجد جديدة دي (:
خاف على نفسك بأه

ومبسوطة بجد ان اسم البلوج عجبك

مريم said...

ان شاء الله الفقد مش هيكون تقيل عليكى
ومبروك العتبة الجديدة والاسم جميل على فكرة

ياسر مدني ...دينامو الإخوان said...

ليكي تاج عندي ويبقي جزاك الله خيرا لو رديتي

ياسر مدني ...دينامو الإخوان said...

ليكي تاج عندي

Pragmatic said...

هكذا الدنيا
محطات ولقاء ثم فراق

دينا فهمي said...

متشكرة يا مريم
ربنا يسمع منك (:


ياسر
بإذن الله هشوفه حاضر


pragmatic
أشكر لك زيارتك الأولى وتعليقك (:

3aziz 3eni said...

تفتكرى ان ده كويس
الفراق صعب احيانا لكن غالبا بنكون مضطرين لده
اتمنى انك ما تكونيش اخذت قرار ممكن ترجعى فيه او تندمى عليه
بصراحة انا مش باحب افترق عن اصحابى حتى فى اصعب الظروف عارفه ليه؟
لاننا مرت علينا ايام ماكناش بنفترق عن بعض شوفنا بعض فى جميع الاحوال فراحنين ، زعلانين، مضطربين،......يعنى عرفنا بعض فى كل الاحوال تفتكرى ممكن الانسان يقدر يفرط فى جزء من ايامه؟
اتمنى لك كل نجاح وسداد فى قراراتك لكن اتمنى انك ما تفرطيش فى اصحابك حتى لو كنت مهاجره بعيد افتكريهم واسالى عليهم اكيد فى يوم تحتاجوا لبعض تانى دى عشرة سنين مس ساعات

إبـراهيم ... said...

إزيك يا دينا ،،، من زمااااااااان ما دخلتش عندك ، ومن زمان أكثر ما ظرهتيش إنتي كمان !!!


اسمحي لي أقول لك مستغربك قوووي ف البوست / الموضوع ده !!!!


بس على كــلٍ ... تحيااااتي برضوو

تــسنيـم said...

مكانش قصدي الوحدة يا دونة انا أقصد اننا بنمشي في طريق ونقابل كتير ونعرف كتييير وفي الأخر بنرجع لوحدنا ليس معنا إلا الذكريات..

انا فاكرة ان واحدة زميلتي كانت كتبتلي بيت الشعر في البكالوريوس


وأذكركم ويأتيني خيال يراودني إلى يوم التلاقِ
أتناسهم.. ويقطعها جوابي رويدك هل ترى أنسى رفاقي

دينا فهمي said...

sokomonoce
أنا ماقررتش أبعد عنهم ولا حاجة.. وبإذن الله هفضل أسأل عليهم ماتقلقش (:


إبراهيم
الحمد لله انا كويسة
ازيك انت وايه اخباراتك؟؟
بس انا كمان مستغربة انك مستغربني؟؟!!
ليه بجد؟؟

تسنيم
فهمتك يا جميلة

شيمـــــاء said...

وجعتينى اوى

دينا فهمي said...

بعد الشر عليكي من الوجع (:

اسكندراني اوي said...

من غير زعل
حتنسيهم
صدقيني وحيجي يوم تقولي اسكندراني قال

حتلاقي ناس جديده تتعودي عليهم

دينا فهمي said...

لا ما اعتقدش اني هنساهم
لو كان كده كنت نسيت اصحابي بتوع زمان اللي اتقطعت بيننا العلاقات كلها