Sunday, February 11, 2007

حدد طريقك


نقابل الأشخاص الخطأ في الوقت الصحيح

والأشخاص المثاليين في الوقت الخطأ

فنوهم أنفسنا

ونغلف الحقائق

ونقلب الموازين والمعايير

...

ولكن كل شيء قابل للتغيير والتصحيح

كل شيء

Saturday, February 10, 2007

باقى من الزمن أيام


كعادتي منذ التحقت بالكلية وحين يبدأ فصلا دراسيا جديدا يكون الطريق من منزلي إلى الكلية مليئا بالدعوات بأن يفتح الله علينا وأن يكون هذا الفصل الدراسي سعيدا على الجميع
ولا أدري من هؤلاء الجميع ولكني دائما ما أدعو بذلك

وهذا الصباح وفي الطريق أخذت أفكر وأحاول أن أعرف من أقصد دائما بالجميع
هل أنا وإخوتي
أم أنا وإخوتي وأصدقائي
أم أنا وكل من أعرف؟

ولم أصل لإجابة محددة

وآثرت ذلك
لكي تشمل دعوتي أوسع ما يمكن أن تشمله
.....
فتح الله علينا جميعا وجعلها أياما سعيدة مليئة بالخير

وخاصة على أمثالي الذين ينتظرون التخرج بعد عدة أشهر بفارغ الصبر

Friday, February 9, 2007

بسنت

بسنت الطفلة ذات الجدائل
بسنت التي كنت أتبارى معها لنرى من ستمشط منا شعرها بصورة أفضل
بسنت التي تصغرني بخمسة عشر شهرا جعلتني أدرك ولأول مرة أنني دخلت عالم الكبار
ولا أدري من سيوجع رأسي بعد ذلك بالحديث عن العريس المنتظر
أتم الله فرحتك على خير وجعل أيامك كلها مليئة بالبهجة

Thursday, February 8, 2007

آثار الزمن


ترك الزمن آثاره على أرضنا الهشة

Wednesday, February 7, 2007

أيعود الصحو؟

لعلك بعد عتبك أن تجودا
بما منه عتبت وأن تزيدا
فكم يوما رأينا فيه صحوا
وأُسمعنا بآخره الرعودا
وعاد الصحو بعد كما علمنا
وأنت كذاك نرجو أن تعودا
....
ابن حزم الأندلسي

Monday, February 5, 2007

من قصيدة التناقضات


فشلت جميع محاولاتي

في أن أفسر موقفي

فشلت جميع محاولاتي

فتقبلي عشقي على علاته

وتقبلي مللي .. وذبذبتي .. وسوء تصرفاتي

فأنا كماء البحر في مدي وفي جزري وعمق تحولاتي

إن التناقض في دمي
وأنا أحب تناقضاتي
....
نزار

Saturday, February 3, 2007

أيوما يصلح الزمان ما أفسدناه


ما أجمل أن تميز عدوك من حبيبك

وتفرق بين من تمنى لك الخير دوما ومن دلت أفعاله على غير ذلك

وما أصعب أن تدرك ذلك كله بعد فوات الأوان

أيوما يصلح الزمان ما أفسدناه؟

Friday, February 2, 2007

الفقي لما يسعد

يجيله تاجين في أسبوع واحد
مع الاعتذار للمثل القديم
******
علي ربنا يعمر بيته بعتلي تاجين
واحد اللي أنا رديت عليه قبل كده فكده يبأى فاضللي واحد
نبتدي بأه في إجابة التاج الجديد
******
اية اللي حيحصل لايميلك لما تموت ؟
ولا حاجة هتفضل الناس تبعت عليه لغاية ما يتملي ويتقفل بسبب عدم الاستخدام وخلاص
اديت الباس وورد لحد قبل كده؟
أيوة
لو اه كانت طبيعة علاقتك بيه اية؟
صديقتي
اســــــمك؟
أشهر من نار على علم
دينا
اسم الدلع المشهور وسط اصحابك؟
كتير جدا
دودو وديدي ودندون ودندن وأي حد عايز يقول حاجة بيقولها بس عموما أنا بحب النداء باسمي من الناس اللي أنا ما اتعودتش منهم على اسم دلع
لكن مثلا ماما لما تقوللي يا ديدي يبأى احنا حاليا في حالة الرضا السامي لما تقوللي يا دينا نبأى متخانقين
برجك؟
العقرب
شخصيتك نوعها ايه؟
ايه السؤال الفظيع ده؟ يعني ايه ان شاء الله شخصيتي نوعها ايه؟
شخصيتي كويسة جدا الحمد لله
السفر بالنسبة لك؟
مابحبش السفر وبيبأى تقيل على قلبي جدا وخاصة الأماكن اللي روحتها قبل كده لأن الموضوع بيبأى ممل
لكن بحب أسافر أماكن جديدة وده مابيحصلش كتير للأسف
بس أتمنى إني لما أبأى مسؤولة عن نفسي بعد كده اني أسافر كتير من باب العلم بالشيء
المود بتاعك؟
ماشوفتش قبل كده بصراحة تاج عجيب زي ده
يقصد يعني المود بتاعي حاليا وانا بكتب؟؟
كويسة جدا بردو الحمد لله وفلة
اليومين دول مبسوطة فعلا الحمد لله ومرتاحة نفسيا
وقت فراغك بتعمل فيه ايه؟
للأسف كتير بدخل على النت لما أكون فاضية ولما يكون النت غير متاح لأي سبب بيبأى البديل الكتب
الاكلة المفضلة؟
أنا بحب عموما الأكل برة البيت
وخاصة البيتزا بتاعت سبارو
واسألوا آية
هارياها ياعيني البنت
الصفات اللي خدتها من بابا؟
القدرة على التعبير بالكتابة
اني بسكت لما أكون زعلانة
ان انفعالاتي السيئة ما بتبانش بسهولة أبدا
خفة الدم
الصفات اللي خدتها من ماما؟
أسلوب التفكير إلى حد ما
التفوق الدراسي
اكتر 6 حاجات بتكرهها؟
الصحيان متأخر مع اني بعملها كتير جدا لكن فعلا ببأى متدايأة جدا من الموضوع ده
التهاون في المواعيد
الاستهتار وعدم تحمل المسؤولية أيا كانت
أنى اضطر اتعامل مع ناس مش بحبهم
إن حد يستخف بالمشاعر أيا كانت المشاعر وأيا كان الشخص
أيام الامتحانات عافانا الله وإياكم
اكتر 6 حاجات بتحبها؟
عكس الست حاجات اللي بكرهها
وممكن نزود
الجلسات العائلية
جو رمضان
العيد.. بحس إنه فعلا فكرة عبقرية
صوت فيروز
كورنيش النيل
يوم الثلاثاء
الشغل بالنسبة لك؟
الحمد لله عشان أنا بدرس حاجة أنا بحبها وأحلامي كلها في الجانب ده فالشغل بالنسبة لي هيبأى تكملة لسلسلة الأحلام الخاصة بدراستي
ايه الكمبيوتر والانترنت بالنسبة لك؟
دنيا غير الدنيا
زي الأحلام بالظبط بالنسبة لي
عوالم مختلفة عن اللي احنا عايشينه
******
بجد حسيت اني في استجواب واعذروني إجاباتي خنيقة نظرا لخنقة الأسئلة
وبهذه المناسبة أحب أخنق قصدي أمرر التاج ده لــ
هبة الله و تسنيم و محمد محرز و مصعب و محمد عبد الغفار و مبرمج حر وشيماء اللي لسه ماجاوبتش على التاج اللي فات و أحمد لما يرجع بالسلامة والأهل في المنصورة والإخوة في بلاد ما وراء النهر

كلمات لابد منها

الأسماء المدونة أدناه مرتبة حسب الترتيب الألف بائي لاحسب أي اعتبار آخر
*****
أحمد شريف.. آية.. عمرو.. محمد محرز.. هبة
وأمي
إذا مكثت بقية حياتي أتحدث عن جميل صنيعهم معي ما أوفيتهم نذرا يسيرا من حقهم
تحملوا مني ما لا يتحمله أحد
ونصحوني بكل ما أوتوا من قوة
وللحظات تصورت أن قلوبهم لم تشعر بي يوما.. وعقولهم لم تفهمني ولو للحظة
واكتشفت بعد ذلك أنني كنت الحمقاء الوحيدة
وأنهم جميعا لم يفعلوا ما فعلوا إلا لخوفهم عليّ وحبهم لي
.......
أحبكم وأحترمكم وأقدركم.. وأشكركم جزيل الشكر

Thursday, February 1, 2007

سقطا عمدا وليس سهوا


أشعر أنني أنا كما كنت منذ سنتين

سنتان أسقطهما من عمري بكل رضا

كم كان محقا من قال

امبارح كان عمري عشرين