Monday, June 18, 2007

A&D

يوم الأحد 17 يونيو هو ذكري يوم ميلاد أخي أحمد
وأحمد -لمن لا يعرف- يختلف عني كثيرا.. كثيرا
وليس هذا درءا لشبهة.. ولا براءة مما لا براءة منه وإنما هو -فقط- توضيح
كانت حفلة عيد ميلاد أخي في -كافيه- في المهندسين
وبالطبع لم أكن مدعوة.. فهذه الحفلة ل-أصدقائه- فقط
ليس هذا من الأمر في شيء
وإنما هو -فقط- توضيح
.
جاء أحمد إلى البيت محملا بال-تورَت- والجاتوهات
وأنا -لمن لا يعرف- أحب ال-تورَت- والجاتوهات كثيرا
.
فتحت إحدى ال-علب- وإذا بي أجد فوق التورتة
(A&D)قطعة شيكولاتة كبيرة مكتوب عليها
وهذه الحروف -لمن لا يعرف- ترمز للحرفين الأوليين من اسمي أحمد ودنيا
ولكن ماذا في ذلك؟
فكل منا يبكي على ليلاه
.
تركت الجمل بما حمل.. ولم آخذ إلا هذه القطعة

21 comments:

3abdo me7tas said...

لمن لا يعرف
بصراحة عجبتنى اوى طريقة كلامك أنا اول مرة اضحك من زمان كده
الله يكرمك
وهذا فقط للتوضيح

امرأة تقول الذي لا يقال said...

(:
بجد مبسوطة إنها عجبتك
نورتني

3abdo me7tas said...

البلوج منور بصحابة
ويا ريت تنورينا إحنا كمان

تسـنيم said...

يعني أنا أعمل فيكي ايييييييييه أصوت وأشد شعري وأخبط دماغي في الحيط


كده برضه يا دينا... تاني يا دينا

امرأة تقول الذي لا يقال said...

(:
لا ولا تصوتي ولا تشدي في شعرك
وولا تاني ولا تالت
د حاجة بسيطة كده حصلت ممكن يكون ليها معنى ويمكن لا.. أثرت فيا أيوة
بس عادي كل شيء راح لحاله

أندلس said...

تسنيم...
تيجي نتاويها ونرتاح ونريحها؟؟!!!

امرأة تقول الذي لا يقال said...

الموضوع مش أزمة خالص على فكرة
هي مجرد لمحة

أحمد..يكتب كما لم يكتب من قبل said...

فقط فكري في الذي وضع أول حرف من اسمك علي تورتته هو..
وسيبي احمد مع ليلاه او ديناه

مصرى said...

جميل الإحساس بإن حد مهتم بيك أو فاكرك
لمحة جميلة فعلا

واحـــد مـــــن الـنـــاس said...

انا عيد ميلادي يوم 17 برضه

انا بقا لا عملت عيد ميلاد ولا جبت كيك ولا اي حاجة وكان يوم نكد من اوله لاخره
وكنت متشاكل مع بابا وماما

ويوم خنيييق

انا كرهت اليوم ده باللي فيه

تسـنيم said...

أندلس: تصدقي وتؤمني بالله أنا ساعت ما قريت البوست كنت هنده عليكي يا أندلس علشان نريحوها يا شابة


منظراكي يا ريّا علشان ندفنوهااااا

محمد العنانى said...

مش عارف اقولك ايه
غير
ربنا يخليكو لبعض
تحياتى
وكل سنه واحمد طيب

عبدالله said...

المهم في الاخر يعني طلع طعمها حلو ولا لا
:)

تحياتي

fanan fa2eer said...

أبكيتيني

الأغنية مع كلام البوست.....لم أجد شيء يصفهم الا دموعي

ربنا يهون عليكي
تحياتي

امرأة تقول الذي لا يقال said...

لا واضح ان الفكرة وصلت غلط (:
الحرفين المكتوبين اول حرفين من اسم احمد ودنيا مش دينا
دنيا دي صاحبة أحمد (;

fanan fa2eer said...

لا أنا فهمت صح بس أكيد في حاجات ورا الحاجات مش كدة؟
أقولك علي حاجة؟
أنا دخلت انهاردة مخصوص أسمع الاغنية تحفة

fanan fa2eer said...

يعني أنا فهمت غلط؟
ماشي يا دينا مش دنيا;)
أقولك علي سر؟أنا دخلت انهاردة مخصوص عشان أسمع الأغنية تحفة

امرأة تقول الذي لا يقال said...

صح معاكي حق
الاغنية دي انا بحبها جدا
وبعدين انت تنوري في اي وقت (:

warDaya said...

مممممممممم طيب يعني انتوا مش بتحبوها؟
مم انا جالي الانطباع ده..مش عارفه ليه

اسكندراني اوي said...

واضح ان مش احمد اياه هو المقصود
هذا للتوضيح فقط
ربنا يداوي حروحنا كلنا

امرأة تقول الذي لا يقال said...

ورداية
مش بحب مين؟؟
للأسف مش فاهماكي
بس نورتيني

اسكندراني
ربنا يسمع منك (: