Wednesday, June 13, 2007

الشجر


:أغلقت نافذة غرفتي بضجر ونظرت إلى أمي
أنا مش فاهمة بجد إيه اللي مخلينا مستحملين المناظر اللي تحت في الشارع دي؟
المحلات اللي في الشارع دي لو اتقفلت شارعنا هيبأى أنضف وأحلى من كده بكتير
شايفة الشارع وهم قافلين بيبأى هادي إزاي؟
وشايفة الشجر اللي في الشارع شكله حلو إزاي؟
.
:ابتسمت أمي وقالت
على فكرة.. الناس اللي في المحلات دي هم اللي لما جم زمان زرعوا الشجر

16 comments:

أندلس said...

وانت ما تكسفتيش من نفسك ساعتها

أندلس said...

طيب سؤال تاني

هما والشجر ولا
لا هما ولا الشجر

مين أحسن

دينا فهمي said...

لا ما اتكسفتش:D
بس الموضوع محتاج لان الواحد يفكر عموما
 انا مش قصدي عليهم بالذات
انا قصدي على الدنيا كلها

ان ممكن ان الواحد يبأى متدايأ جدا من حاجات او من اشخاص عشان هم وجودهم مش لايق عليه ولا على شخصيته ولا حياته ويكونوا هم اصلا السبب في الحاجات الحلوة اللي في حياته

دينا فهمي said...

أما عن السؤال فبجد مش عارفة
بيتهيألى هيبأى لا هما ولا الشجر

دينا فهمي said...

بس طبعا ده في الحالة دي بس
لكن ساعات في مواقف تانية هتبأى الاجابة تستدعي عكس الاجابة دي

أندلس said...

لا انا بتكلم بق عن المواقف التانية عموما

دينا فهمي said...

ممكن يبأى هخليهم هم والشجر

micheal said...

أنا بصراحه فقدت الامل في وجود شارع نظيف في مصر للابد
تحياتي لكي

صاحب البوابــة said...

السلام عليكم

اشكر كل من تساءل عن غيابي

ووقف بجانبي في محنتي

تحياتي لكل شريف حر

.:.-=- ELGaZaLy-=-.:. said...

انا مبتسم دلوقتى عارفة لية

لانى متخيل وجة امك المبتسم بحكمة وهوا يخبرك بهذا

احينا اثناء التفكير ممكن نعمل حجات كتير على انها صح مع انها هيا الغلط ولا شئ سواة

دينا فهمي said...

مايكل
لا في والله شوارع نظيفة.. بس قليلة للأسف
وخليك دايما عندك أمل


صاحب البوابة
وعليك السلام
حمدا لله على السلامة (:


الغزالي
معاك حق جدا
نورتني (:

محض روح said...

بصي يابنتي مش عارفه لما قريته افتكرت حاجه فيه
ممكن افتكر لناس الوحش الي بيعملوه دلوقتي ادمي
وانسى ليهم كل الحلو
يمكن ديه مشكلت كتير منا
تحياتي ياجميل

دينا فهمي said...

دندونة الجميلة وحشتيني (:

lockash أحمد تمام said...

ملعوبه.....

باسم المليجي said...

حلوة صورة شجر البونسيانا اللي في الصورة فكرتني بالشجر اللي فاضل في المنطقة. وكمان فكرتني بالشجر اللي اتشال لما اصحاب المحلات الجديدة اشتروا البيوت القديمة اللي كانت زرعة الشجر جواها- اصلها كانت زي الفيلات. وهدوها وبنوا مكانها عمارات عالية كلت الفراغ.

دينا فهمي said...

الصورة دي انا اللي مصوراها من بلكونة بيتنا