Tuesday, August 14, 2007

أحب أعيش

لو كان هواكي مش حياة
لو تسمحي ما تحبينيش
كانوا زمان بيحبوا موت
دلوقتي أنا أحب أعيش
قلبي أنا مركب أمل
والشوق شراع لمركبي
لو الهوى من ناحيتك
كان الضياع لمركبي
!!أروح معاه؟؟.. بالطبع لا
قلبي هواه.. ويّا الحياة
.....
من أغنية لعلي الحجار

14 comments:

أندلس said...

ومحمد ثروت
ومحمد الحلو
ومدحت صالح...

فرقة واحدة

بس هو علي الحجار أرحمهم

قال أبيض قال

يا بنتي مسرح شعره على جنب بنقووووووووووول

امرأة تقول الذي لا يقال said...

هههههههههههههههههههههههههههههههههههههههههههههههههههههههههههههههههههههه
بجد ضحكتيني جدا وخليتي اللي جنبي يقولوا عليا مجنونة

احنا ما اتأكدناش من موضوع شعره
لكن البياض مفروغ منه مادام محمد ثروت q:

أندلس said...

نيجي للجد
الكلمات تحفة
وأول مرة أسمعها

امرأة تقول الذي لا يقال said...

اوعي تكونى افتكرتى انى بقوللك انها ليكي مخصوص عشان كده
دي تبأى وقعة بيضا

امرأة تقول الذي لا يقال said...

طلعت وقعة بيضا

أندلس said...

بس يا بنت
دة انا ضحكت وصحيت أختي
هو دة المهم
الكلام العميق دة بعدين بعدين

امرأة تقول الذي لا يقال said...

طيب يا ستي اي خدمة
صح هو ده المهم دلوقتي

طهقان said...

البطيخة ...صح ؟

dead man said...

:)

حلوة أوى ..

momken said...

على الحجار على الحجار على الحجار

البطيخه

انتى بتقولى فوازير

الاغنيه حلوة بس انا نسيت على الحجار او موعاش عليه

انتى قديمه اوى
لما الشتا يدق الببان

تحياتى

حازم شلبى said...

الله عليكى انا عموما احترم كل من يحب على الحجار الصوت الدافئ والاساتذة اللى مش عاجبهم على الحجار مع احترامى لهم اسمعوه الاول يا سادة ... ما تكدبيش يا شمس و تغيبى .... لما الشتا يدق البيبان ... ما تصدقيش ... اعذرينى ... بحبك و انطلق عصفور ... ندهنى الحنين ... لسه الكلام ... على ياسادة هو اخر المطربين المحترمين فى زمن الغناء للحمير و العنب ... تحياتى

امرأة تقول الذي لا يقال said...

طهقان
هو ايه اللى انت مش فاهمه بالظبط؟


dead man
متشكرة على تعليقك
نورتني (: وهي فعلا حلوة اوي


ممكن
اه انا فعلا قديمة والكلمة دي بتتقاللي كتير ((:
بس ايه في اللي انا قلته فزورة؟؟؟؟؟

امرأة تقول الذي لا يقال said...

حازم شلبي
هو فعلا علي الحجار ليه أغاني حلوة أوي
بس مش كلها يعني (;

احمد رفعت said...

ايه الكلام الجامد ده

مين اللى قالوا ؟؟

اوعي يكون من الكلام الذي لا يقال.

على العموم بوست جميل كصاحبته .


تحياتي