Monday, August 13, 2007

سيصمدون طالما أردت لهم

إلى متى ستصمد؟
أنهت تسنيم كلماتها بهذا السؤال
فتذكرت يوم سألت نفسي سؤالا مشابها
فأحببت أن أجيبها بما وجدته
.
ستصمد مقاومتك
وسيصمد إيمانك
...
حينها كنت أعتقد أن نهاية صمودي سيكون ضعفا
وأنني لن أصمد طويلا
ولكن النهاية صارت نقطة قوة وانطلاق جديد
ولا أملك سوى أن أدعو لك الله بأن تقترب نقطة قوتك ولا تنتظري الكثير
وأن أطلعك على ما قالته لي أندلس يومها
.
:قالت
سيصمدون جميعا معا حبيبتي
سيصمدون طالما أردت لهم

12 comments:

تسـنيم said...

بس أنا فشلت في الصمود



وسقطت


:(


رسالتك جت متأخرة يا دينا


بس بما انها دايرة مغلقة ولا مخرج منها فسأعود لأبدأ رحلة الصمود والخروج من الدوامة من جديد

ادعي الله لي أن يُنبت لي أجنحة فتحملني بعيدا

Mohamed A. Ghaffar said...

الموضوع شخصى اوى اوى

على فكره بالعربى الفصيح كان احلى

امرأة تقول الذي لا يقال said...

عادي اننا نفشل مرة.. ومرات
بس خليكي متأكدة انك في مرة هتنجحي
وعشان كده بدعيلك ان ربنا يقرب نجاحك ده وماتستنيش كتير
تماسكي.. وهتعدي


محمد
تقصد اني ما اكلمهاش فيه يعني؟؟
وبعدين انت تقصد اسم المدونة؟ وللا المدونة كلها؟ (:

تسـنيم said...

شخصي....... ههههه

دينا مشردني هنا يا محمد واسألأ بالعربي الفصيح على تدوينة بوحي من تسنيم



براحتك يا دندن يا حبيتشي ( عين بتغمز)

كريم بهي said...

ستصمدين سيدتى
لانك .. تسنيم
فاخلعى عنك
صمتك .. واسبحى
في عمق التصميم
واسبحى


كريم بهي

أندلس said...

ممممم
أنا قلت لك كدة بجد يا دينا

امال مالي كدة الدنيا ملطشة معايا ليه

وكارهة الصمود

امرأة تقول الذي لا يقال said...

انا مشرداكي يا تسنيم؟؟؟؟؟؟؟
مااااااااااااااشي


كريم بهي
تسنيم بأه هي اللي المفروض ترد على تعليقك (:


أندلس
اه والله قلتيلي كده
افتحي الموضوع وشوفي ردك
بس ساعات بننسى
...
كارهة الصمود في ايه حضرتك؟؟ انتى فينك انهاردة؟؟؟

تسـنيم said...

ايوة صحيح انا استغربت لما قريت تعليقك أندلس عندي على البوست وتعليقها عندك.. أندلس تقريبا كانت بتحرضني على الاستسلام ( انتي معايا والا مع الناس التانين )


فأنا كده فهمت تحريضها ليا وانا طبعا عملت بنصحيتك يا يويو دونا عن الخلق الله كلهم اللي قالولي اصمدي ( وش بيبتسم في عبط)



كريم بهي... انت شايف اني علشاني تسنيم هصمد؟؟؟ ده مبرر أكبر لأني أستسلم يا ابني ، انت متعرفنيش بقى

بس بجد حلو أوووي وميرسيه على الكومنت بتاعك وابقى تعالى زورني

Bride Zone said...

أحياناًَ أحس بأنها نهاية صمودي وبأنني خطوت خطوة على نهاية الجرف ووقعت إلى الهاوية.. ولكنني بعدها أفتح عيني لأجدني مازلت هناك صامدة.. بل أنني قد خطوت إلى الوراء وابتعدت عن الجرف وبدأت رحلة الصمود من جديد..

ربنا أفرغ علينا صبراً..

يا مراكبي said...

واضح إن الموضوع رايح جاي ما بينكم حسب الحوار اللي في التعليقات .. قلت أغلس وأخش وأسلم وأمشي على طول

أنا على فكرة من الصامدون برضه

امرأة تقول الذي لا يقال said...

تسنيم
هي بس عشان متدايأة حبة
لكن المفروض انتو الاتنين تحترموا نفسكم وتسمعوا بنصيحتى ((:


برايد
بجد دعاؤك جميل جدا
ربنا يسمع منك
نورتيني بجد


يا مراكبي
كنت لسه بفكر امبارح انك مختفي عننا
ربنا يجعلنا كلنا دايما من الصامدين

Mohamed A. Ghaffar said...

قصدت انه شخصى اوى مينفعش اتكلم انا فيه ولااعلق عليه
وقصدت اسم المدونة طبعاً