Wednesday, August 1, 2007

مفاجأة باسم

ليس من المعتاد أن يعلق أحدهم على خاطرة قديمة لي
ولكن الغالب أن يدخل الشخص ليتابع الجديد.. أو حتى ليرى القديم ولكنه يترك تعليقه لي في آخر خاطرة
ولكن ما حدث اليوم كان مختلفا بكل المقاييس
فلقد مر أحدهم المزعوم من هنا وعلق على موضوع قديم تعليق حديث كبير أدهشني
تسألونني.. وأين الاختلاف في كل ذلك؟
فمن الجائز أن يترك أحدهم تعليقا حديثا كبيرا يدهشك
ومعكم الحق
فليس ذلك هو كل شيء
..
كالعادة حين يرسل لي أحدهم تعليقا أسارع في فتح مدونته حتى ألم بأسرع قدر من المعلومات تساعدني في ردي على تعليقه
وإذا بي أفاجأ بباسم يفرد موضوعا خاصا في مدونته ليعلق على الموضوع القديم الذي استفزه على حد قوله ليكتب عنه
..
أشكرك شكرا جزيلا يا باسم
فلقد أسعدتني وفاجأتني وأدهشتني كما لم أندهش منذ فترة طويلة
...
المهم في الأمر
أن باسم يضع لينك مدونتي في مدونته بعنوان
امرأة بترغي.. عادي يعني
ولا تعليق (:

6 comments:

ادم المصري said...

هاروح اقري واجيلك

باسم المليجي said...

نبتدي من الآخر عنوان البلوج بتاعك فعلا كان مستفز ليا امرأة تقول الذي لا يقال. طب طالما هو لا يقال إزاي حضرتك بتقوليه فكان لازم الاقي تعديل على العموم غيرت عنوان اللينك عندي ل إمرأة تقول وتقول وتقول، وده أخري. بالنسبة للتعليق ففي حاجات كتير بتبقى في دماغ الواحد وماشي بيها لفترة طويلة منها البوست بتاعك اللي هو فعلا أدهشني، لكن أد إيه في حاجات في الدماغ ومش لاقي لها وقت تنزل على كي بورد. تتخيلي إن من السنة اللي فاتت نفسي أكتب عن لوركا وده شاعر أسباني في كلام في دماغي ومن ناحية تانية خايف اتكلم عليه عشان فعلا هو حاجة كبيرة.
كمان نفسي كنت اتكلم عن الوصايا المغدورة لميلان كونديرا أد إيه الكتاب ده جنني لما قريته السنة اللي فاتت وكل شوية أقوم من السرير أكتب مقتطف منه لحد ما مليت بتاع تلت صفح بخطي النونو. الأكتر من كده شغل اصحابي زي كريم ووليد اللي بعجبني جدا مش بلقى ليه وقت، على العموم عشان ازنق نفسي بنفسي المرة الجاية هجيب نص عاجبني جدا من زمان لكريم فراج واعلق عليه.
مين كريم فراج؟
عارفة ابراهيم معايا؟ اللي هو جبت منه اللينك اساسا
ده عضو في جماعة مغامير
وكريم عضو معاه برضك
وأنا معرفش حاجة عنهم هما الاتنين
أنا في حالي وماشي جوه الحيط

امرأة تقول الذي لا يقال said...

ادم المصري
مستنياك (:


باسم
خلاص كده كويس (: مش هطالبك بأكتر من كده
أما عن موضوع الحاجات اللي بتبأى في دماغنا ومش بنكتبها فأنا كمان بيحصل معايا كده كتير
مابكتبهاش يا اما كسل يا اما خوف من انها ماتطلعش زي ما انا عايزة
بس مستنية اقرا الحاجات الي انت بتقول عليها دي (:
وابراهيم طبعا عارفاه
وخليك كده ماشي جوة الحيط (: أحسن حاجة

ب ع ض . م ن ي said...

مبروووووووووووك يا دينا ومعلش متاخرة انا مكنتش اصلا اعرف انك لسه في جامعة المهم اخبار الاجازة معاكي ايه و بتعملي ايه يا جميلة ؟؟
اراك قريبا

gohayna said...

بصراحه
انا اسم المدونه الي شدني ليها

وبجد سعيده اني دخلتها

اخدت جوله كدا علي السريع في مواضيعك

ولاقيتها متنوعه بجد وجميله

وعجبتني اوي بوست قديم ليكي كاتباه
بعنوان المدونه
حسيت فيه بالقوه الكبيره

بجد والله من غير مجامله
مدونتك ومواضيعها جميله جدا جدا

تسلم ايدك يا قمر

تحياتي

امرأة تقول الذي لا يقال said...

بعض مني
الله يبارك فيكي يااا رب
بصي يا ستي
من ناحية انا بعمل ايه حاليا انا مابعملش اي حاجة
مستنية وقت تسجيل الدراسات العليا باذن الله
واحشاني (:


جهينة الجميلة
نورتيني بجد
وأتمنى انك ماتقطعيش الجوابات (: