Tuesday, July 24, 2007

أنساك؟ ده كلام؟

طالما تعجبت وتساءلت بعد سماعي أغنية تقول
أغيب وأقول ده زمانه نسيني
ما هو لو ينسى هينسيني
طول ما هو فاكر.. هفضل فاكر
.
ولكني لم أعد أتعجب بعد سماعها الآن
فالنسيان أصبح عاملا مشتركا بيننا
ولكن يبقى السؤال
!مين فينا اللي نسي التاني الأول؟؟
.
على الهامش
لا يكفيك أن تنسى
يجب كذلك أن تنسى أنك نسيت

33 comments:

kaed said...

مبروك يادينا
أهو جة الوقت اللى أباركلك على النجاح
وبردلك الجميل
فاكرة من يجى سنة كدة باريكتيلى على الماجيستير
وعقبال الماجسيتير يادينا
وهل جزاء الإحسان إلا الإحسان

koka said...

يجب كذلك أن تنسى أنك نسيت

اتضحلى ان دى اهم من النسيان نفسه ..


تسلمى يا دينا
وعلى فكرة وحشتينى اوى :)

سكتم بكتم said...

النسيان هو الدواء المر للداء الأمر أليس الحب داء ؟؟

Doba said...

عرووووووووووووستى؟؟؟

دينا فهمي said...

قااااائد
أه طبعا فاكرة (:
الله يبارك فيك يا رب
فينك مختفي بآلك فترة؟؟


كوكا
وانتى كمان والله واحشاني
ولسه مستنية مكالمتك (;


سكتم بكتم (:
صح جدا
ده الحب أصعب داء مش داء بس كمان (:


دوبة
نورتيني (:
انتى مش فاهمانى قصدك وللا ايه؟؟

سكوت هنصوت said...

عذرا للمقاطعة
نحتاج الى رأيك ودعمك في حملة القضاء على المخدرات انتظرك هناك
www.tw3ya.blogspot.com

Anonymous said...

مافيش حاجة بتتنسي
كلو بيتخزن في غرفة الكرار لحد ما تيجية مصيبة تطلعه



انسي


ومبروك على التخرج

دينا فهمي said...

الله يبارك فيك يا رب (:

شيمـــــاء said...

المهم انكم نسيتوا

دينا فهمي said...

تفتكري ده المهم فعلا؟؟

بيتنا القديم said...

صلي عالنبي كده

واستهدي بالله

بكره يجيلك سيدسيدو

بس انت بصي لمستقبلك

عشان حد بيندهلك من البلكونة

ويجعلوعاااااااااااااااااااامر

Anonymous said...

انسى

حاولى تنسى

ومش انتى اللى بتنسى

الايام هى اللى بتخليكي تنسى

ربنا يشفى قلبك من المرض الرهيب ده


والسلام

علي الالفي said...

و الله انا تعبت من كتر ما باددخل عندناس و اقول نفس الكلمة
بس بجد
انا لاقيت عندك اللي نفسي اقوله لنفسي و فشلت في التعبير عنه
بجد لك كل الشكر

شيمـــــاء said...

جدا
بكره تعرفى اهميته بجد
انت لسه صغيرة

أحمد الدريني said...

"تأكد أن هناك دوما من يرغب في ذات الشيء الذي ترغب فيه"
باولو كويليو

دينا فهمي said...

سمسم
حد بيندهلي من البلكونة؟؟ (: لا الكلام ده كان زمان ((:
وماتقلقش أنا بصة لقدام والله وربنا يستر علينا (:


islamist
الأيام كفيلة فعلا إنها تنسينا كل حاجة بس احنا اللي مابنبآش شايفين كده في الاول
وبعد كده كله بيطلع في الغسيل (:

دينا فهمي said...

على الألفي
بجد ببأى سعيدة جدا بزيارتك
ربنا يبعد عنا كلنا وجع القلب (:


شيماء
أنا لسه صغيرة؟؟ ((:
حلو جدا رفع المعنويات ده (:
الأيام بيننا فعلا وربنا يسهل (:


أحمد
لا يا أحمد الموضوع كده هيبأى صعب أوي
افرض أنا عايزة اقتله مثلا هو كمان هيبأى عايز يقتلني؟؟ (:
خلاص بعد كده أنا لازم أفكر في حاجات كويسة (:

Ahmad said...

انتِ بتتعبي نفسك أوي يا دينا...مع إن الموضوع مش مستاهل، حياتك فيها حاجات كتير أوي بتتحسدي عليها، ركزي فيهم أحسن

دينا فهمي said...

لا يا أحمد والله مش زي ما انت فاكر
أنا عايشة حياتي عادي بس هي فكرة جت في بالي فكتبتها

احساس لسه حى said...

عزيزتى
نعم اصبح النسيان سمه سائده ودائما اليوم يمحى امبارح واول والاسبوع اللى فات يعنى مهما كان اللى بينا ممكن بسهوله انسا اللى بينا


لا يكفى ان تنسى يجب ان تستمتع انك نسيت كلما افتكرت انك نسيت

سلام

semsem said...

طالما هننسى يبفى مش فارقه مين اللى نسى الاول

معنى عميق
تحياتى ليكى

أندلس said...

وحشتيني يا دينا...

S H A H said...

يا سلام عليك يا واد يا بو قلب جامد انت
تنسى كدة و لا يهمك

بس برافو عليكي بجد

عجبني قوي كمان و من غير تريقة انه لازم تنسى انك نسيت

دي اكتر حاجة وقفت اقراها كذار مرة

ساعتها مش هتفرق مين اللي نسي الاول منا نسيت

micheal said...

الدنيا كلها بقت تلاهي...كله بقي ينسي كله
تحياتي

دينا فهمي said...

احساس لسه حي
نستمتع اننا نسينا؟؟
لا ما اعتقدش
ممكن نحمد ربنا بس


سمسم
تفتكري بجد مش مشكلة مين اللي نسي الاول؟؟
ما هو اللى نسي الاول على حسب معنى الاغنية يبأى هو السبب في النسيان ككل (:
حاجة كده مكلكعة
واعتقد ان كلامك صح
كل الطرق تؤدي إلى روما


أندلس
شوفتي؟
مش مخلية في نفسك حاجة (;

اعشق فى الليل ضوء القمر said...

النسيان
فكره جميله للتنويه عنها
وأجمل جمله
لا يكفى أن تنسى
يجب كذلك أن تنسى أنك نسيت
مع إنى سمعت جمله قريبه منها فى المعنى
لكن
ما علينا
تقبلى مرورى

عروس البحر said...

اغلبية الناس بقي عندها زهيمر
تحياتي

دينا فهمي said...

shah
شوفت بأه القوة؟ (;
وايه اللي خلاك تعتقد اني هتتريأ؟؟
بالعكس كلامك كويس جدا


مايكل
دايما تعليقاتك الصغيرة بتسعدني (:


عاشق ضوء القمر (:
شرفت بزيارتك


عروس البحر
لا والله مش كلهم
نورتيني (:

meroooo said...

ماتسميهاش علي الهامش ممكن تسميها حكمه او نصيحه المهم فعلا ننسي اننا بنسي حد لان في حد ذاته نسيان

دينا فهمي said...

ليه يا ميرو ما اسميهاش على الهامش؟؟
ماله الهامش بس؟ (:

Anonymous said...

تحياتي لك أستاذتنا على جميل و قوة تعبيرك
و لكن
ليس علاج كثير من آلام الماضي النسيان..
و لماذا نربط علاج ما مضى و تغير حالتنا وواقعنا بنسيان ما كان..

فالنسيان في أمور كثيرة يصبح مستحيل..
بل و تصبح محاولاتنا الفاشلة للنسيان أشد ألما و حزنا علينا مما نحاول نسيانه

فالنعش حياتنا كما يجب أن تكون...بروح جديدة .... و نفس سعيدة
حتى و لو لم ننسى

دينا فهمي said...

النار التي تتركها الذكريات المؤلمة بدخلنا لا يطفأها إلا النسيان
ولن نعيش بروح جديدة ونفس سعيدة.. إلا بعد أن ننسى

كل التحايا

Doaa Ebrahim Aaql said...

بوست رائع

لا يكفيك أن تنسى
يجب كذلك أن تنسى أنك نسيت

ايه الجمال ده

تحياتى