معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا ولا في الكلام ولا عارف أنام
ولا حتى بسأل إيه ده إيه و أخرتها إيه و إيه العمل
.
و أخاف أقول لأي حد
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني الألم
أو يستلفلي من لئيم حبّة أمل
حالة كده .. معرفش إيه
.
حالة كده ملهاش معالم
حالة كده ملهاش معالم
ساعات تزورني في الربيع .. في الحر .. و في عز الشتا
و تجيب حاجات لا فيها روح ولا ميتة
لكني برجع منّها بعد السكات .. فاهم شوية في اللي فات
حاسس أوي بحزن الصحاب .. محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه
8 comments:
يا سلام عليك يا علي يا سلامة اللي بحبه في الراجل ده انه تلقائي في كلامه..تحياتي ليكي..سلام
تفتكري
ان دي حاله عندك لوحدك
.
.
.
.
مفتكرش
بس احلي حاجه ف البوست ان الباك جوند بتاعته مزيكا فيروز
معاك حق يا شريف
كلامه طبيعي وتلقائي
نورتني (:
هيثم
لا أنا متأكدة انها عند ناس كتير (:
الراجل ده جامد موت
وعلى فكرة الأحلى إنك تسمعيه وهو بيلقي قصايده
تحححححححفة
http://www.youtube.com/watch?v=ZkYLrSpM74E&mode=related&search=
ملحوظة لا تهم أحد:
أنا حاليا بمر بالحالة دي
آآآآآآآه بجد
الابن الضال اللي واجع لنا دماغنا
صح انت قبل كده ادتلي لينكات عشان اشوفه وفعلا كان جامد جدا
وبعدين واضح ان كلنا بنمر بالحالة دي (:
رد شيماء كمان بيقول كده s:
مش لوحدك الحالات دي منتشره اويييييييييييييييييييييييي
ربنا بس يعديها على خير
انا اول مره اجيلك بس حقيقي البلوج جمييييييييييييييييل
نورتني بجد بزيارتك (:
وربنا يبعد عننا كلنا شر الحالات دي
Post a Comment