Wednesday, April 4, 2007

بوحي من تسنيم


تدور الدنيا

وندور

ولا نحب إلا الشخص الخطأ

40 comments:

مبرمج حر said...

مش بالضرورة يا دنيا و يا تسنيم

دينا فهمي said...

ممكن يكون مش بالضرورة
بس دايما الحب اللي ممكن نقول عليه حب فعلا بيبأى للشخص الغلط

دينا فهمي said...

انا اللي اقصده يا احمد
ان الدنيا بتبأى كبيرة اوى
والناس كتير اوى اوي
واحنا ما بنشنش الا على اللى ماينفعش (:
بجد حاجة تقهر

LionKing™ said...

:)
ازيك يا بنتي والله عاش من شافك
ايه الغيبه دي
يارب تكوني كويسه

sabrina said...

لو احنا اللي أخترناه غلط!!!11
يبقي العيب فينا
ادام فيه أختيار مش قدر!!!!!!!!

safa7_karmooz said...

جيتى عالجرح ....نعيش وقت طوييييييل

ونقول كلام كتير ...وفى الاخر يطلع مش هو ده الانسان اللى يصلح لينا ...

ونسمع فى الاخر : عفوا القلب الذى احببته غير متاح للابد ..:(

محمد العنانى said...

ادعو الله فى كل عمل وكل مكان وانشاء الله ربنا يسهل وتلاقى ناس كويسين فى كل مكان
ولو درستى الموضوع بشكل عملى يعنى برمجه عصبيه ممكن يكون العيب فى تعاملك مع الناس
ربنا خلق النفس وهى ضعيفه اوى يعنى فى ناس نفوسها واحشه
وتعملك معاها بيخلى الامور كدى
بس كل حاجه بتتغير وانا شاء الله تتغير للاحسن
تحياتى

مبرمج حر said...

وجهة نظر برضوه يا دينا ,
هو الحب فعلا أعمى يا دينا ومدفوع بالعاطفة بعيدا عن العقل خااااااااالص إلا ما رحم ربى , ويمكن عشان كده إحنا بنشنش غلط , الحب لا يمكن ومستحيل يبدأ بالعقل أبدا
لازم تلاقى وقوده العاطفة البحتة , يمكن المشكلة بتيجى من هنا
مختلفة ولا متفقة معايا يا دينا؟؟

دينا فهمي said...

lionking
انا الحمد لله كويسة
يا رب انت كمان تكون بخير


sabrina
مابيبآش اختيار يا صابرينا
فاكرة في فيلم عن العشق والهوى لما احمد السقا كان بيقول لمنه شلبي ان الشخص بيبأى عنده استعداد يحب فبيحب من غير اختيار؟
هو كده بالظبط


سفاح كرموز
جامدة جدا جملة الفلب الذي أحببته غير متاح للأبد دي (:
نورتني
ربنا يكتب لنا كلنا الخير


محمد العناني
لا هي مش فكرة ان الناس وحشين وانا اللى حلوة او العكس
ولا هي مشكلة تعامل مع الناس
المشكلة ان بجد الناس اللي بتحب حب بلا اختيار عقلي وده الغالب.. غالبا حبهم بيفشل لانه غير قائم على اختيار
وفي نفس الوقت الحب اللي قائم على اختيار ده انا لا اعتبره حب


احمد
متفقة معاك جدا
وزي ما قلت لمحمد عناني
الحب الغير قائم على اختيار عقلي غالبا بيفشل
واللي قائم على اختيار عقلي مايبآش حب
طيب نروح فين احنا بأه؟ (:

تسـنيم said...

مش كل الناس هتفهم معنى الجملة دي صح يا دينا لأنهم مكانوش معانا على الماسنجر واحنا بنتكلم، وبعدين انتي عارفة زي ما أنا مقتنعة إنه لم يكن يملك أي شئ وأنهم استغلوه إلى أقصى حد بسبب بره وحنيته، أنا بس مقتنعة إننا أحيانا نجد الشخص المناسب ولكن تصبح الظروف المحيطة غير مناسبة وقهرية وتحتم علينا الانفصال.. ولولا هذه الظروف لما كان الشخص الخطأ أبداااااااااا ولو كنت أملك أي شئ لحاولت تغيير هذه الظروف.

تسـنيم said...

نسيت اقولك إنتي ومحمد عناني إنه كان حب باتفاق العقل والقلب .. كان نموذجي ومتكامل.. غفر الله لمن حرمني منه :(((

دينا فهمي said...

يا تسنيم يا حبيبتى انا مش كاتبة الجملة دي عليكي انتى بالذات
انا كاتبة انها بوحي منك لانها جت في بالي وانا بكلمك
لكن انا ماقصدتش بيها موضوعك انتى تحديدا
وبعدين انا مااقصدش بالشخص الخطأ ان هو شخص مش كويس مثلا او مش مناسب انا اقصد ان في الاااااخر الموضوع مش بيكمل فيبأى كده هو الشخص الخطأ لانه مش هو اللي ربنا كاتبهولنا

Shams said...

يبدوا ان وجودي هنا كان بالخطأ ولكنى هسمح لنفسي بعد اذن الجميع انى اتكلم بعد ما اصبح الموضوع على ضفاف المدونة وعرضة لنبش الجراح من اى مدون اخر وان لم تكن باللغو فستكون بالفكر او بالهمس ...


مع خالص تحياتي للجميع انا مش هدخل فى مجادله مع كل واحد او واحده من اللى سبقوني فى الكلام ولكنى هترك وجة نظري فى الجملة اللى فاتت واتمني انه تلاقي استحسانكم ان شاء الله

اولا الحب ده غريزة طبيعية فى الانسان زي الشهوة مثلا من الصعب اننا نتخلى عنها زي ما انه من الصعب اننا نعيش من غير ما نتنفس ، كل واحد فينا لازم يكون فيه حاجه فى الحياه بتخليه يحبها ويتمسك بيها ومييأسش حتى فى اعتي لحظات المحن اكيد اكيد هيكون فيه اللى بيمده بالامات ولو من غير مايحسه ..وانا يختلف معاكي احنا لا نحب الشخص الخطأ فليس الحب مقصور على اشخاص بعينهم ابدا..زي ما اتفقنا انه غريزه

ومش معني اننا مرينا بتجربة قاسية اننا اخطأنا ..بالعكس ده ممكن يكون دليل على اننا نجحنا :)

اى تجربة ناجحة لازم يسبقها عشرات التجارب الفاشلة والمحاولات واى صعود للقمة لازم هتقابلك صعوبات تعرقلك ومتبقاش قمة الا لو قابلتك الصعوبات

Shams said...

انا بصراحة فيه كلام كتير عاوز اقوله بس انا مضطر اقوم حالا ويارب افتكر المدونة تانى
ياريت تدخلى عندي وتكتبي فى الشات اللى على اليمين وانا ان شاء الله هبقي اشوفها

دينا فهمي said...

بداية برحب بيك أكيد
وثانيا هدخل بإذن الله أكتب عندك في الشات بوكس عشان تلاقي اللينك تاني (:
أما ثالثا
فكلامك سليم لكن انا معترضة بس على النقطة اللى انت معترض عليها بردو في كلامي
ليه بأه؟
لان اكيد واضح جدا اني بتكلم على الحب اللي بيهمنى فيه شخص واحد بس
واكيد طبعا ان كلنا بنحب شخصيات مختلفة لكن بنقسمهم الي فئات
وانا ما اقصدش كل الفئات دي

REEMOO said...

دايما الحب بيبقى بوحى من القلب
وبيلغى العقل ساعتها
وده اللى بيخلى الاختيار يبقى خاطئ
بس انا بشوف دايما ان الحب ده قدر
وحتى لو الانسان حاول يفكر فيه
برده بيحب الشخص ده
لان قدره انه يقابله ويحبه
تحياتى ليكى

دينا فهمي said...

متفقة معاكي جدا (:
نورتيني يا قمرة

shermen said...

أبسط بوست قرأته
معبر أوي
لكن معاكي حق

دينا فهمي said...

shermen
سعيدة جدا بزيارتك (:
ومتشكرة على تعليقك الرقيق

yamen said...

تعرفي ان الحب ده حاجة غريبة قوي
زي الحياة بالظبط
اول مابنفهمها..بتروح مننا

تحياتي

تسـنيم said...

لا يا دينا أنا مش زعلانة خالص.. أنا بس كنت عارفة إن كل واحد هيقرا البوست هيفهمه حسب تفكيره أو هيسقطه على نفسه.. وصدقيني انا أول ما قرأت البوست وبعيدا عني فكرني بمقاولة قالها أديب فرنساوي بتقول : دائما ما نجد الشخص المناسب في الوقت الغير مناسب ونجد الشخص الغير المناسب في الوقت المناسب، فلو شيلتي الوقت المناسب وحطيتي الظروف المحيطة المناسبة هنلاقيها فعلا حقيقة.

تحياتي

sharkawoo said...

قد يكون الخطأ في المعرفة منذ البادية فقط ...

ولكن ما أعرفه أن الحب شعور سامي ...

شئ محبب للنفس فمهما كان لا يمكن أن يكون الحب يأتي خطأ...

أعتقد ما علينا هو أن نعرف مع من نكون وكيف نتعايش مع من حولنا...

micheal said...

المشكله تكمن اذا مان هذا الشخص باختيارنا الحر و لكن علي العموم كل يوم جديد لينا في الدنيا حنتعلم حاجه جديده
تحياتي لكي و لو أني حاسس أنك مخصماني

smraa alnil said...

امتي بتدركي انه الشخص الخطأ؟؟؟

امتي بتحسي ان الدنيا بتدور بيكي؟؟

بنحس انه شخص خطأ لما بيكون مش في امل من استكمال العلاقة

يعني طول ما احنا جوة اي علاقة بنبقي شايفين الانسان دة انسب شخص
لازم نبعد شوية ونفكر بعقلنا
عشا نبصلها بزاوية بعيدة ونقدر نقيم حياتنا مع الشخص اللي قلبنا دق ليه

Shams said...

انا فى الاول يا دينا كنت بكتب مقدمة للى عايز اقوله واللى ممكن يتلخص فى جملة بسيطه :

قد تقتلنا المحن ولكنها ان قتلت الحياة فى النفس فانها تبعث فى النفس الف الف حياة

ياريت تفهميها لأن لو فهمتيها هتعرفي انا اقصد ايه :)

مع خالص تقديري

عبدالله said...

مش الحب دايما للشخص الغلط دايما بيكون مفهونا غلط عن الحب لحد ما نلاقي الشخص الصح ساعاتها هنعرف معني الحب صح
تحياتي

يا مراكبي said...

لو رسيت على إننا نحب الشخص الخطأ بس يبقى كويس .. هناك ما هو أسوأ: الإرتباط به

بنى أدم مع وقف التنفيذ said...

جربي تانى

shreef said...

للأسف مش الشخص اللي بيكون غلط..الظروف وقتها هي اللي بتبئى غلط و مش مناسبة..لان لو كان الشخص هو اللي غلط يبئى انا اللي اسئت الاختيار..سلام

مـحـمـد مـفـيـد said...

والله مش قاعده
بس عارفه خاطره جامده

khaled said...

يااااااااااه انتى طماعه اوى
كفايه الى احنا بنحب

love4u said...

فىى اغنيه لام كلثوم سيبرة الحب
انا شايف ان الحكم على الطرف الاخر بانه الشخص الخاطىء
ليس معنى ذلك انه الشخص السىء
بل ان المسئله قد تكون عدم توافق

تسـنيم said...

إنتي فييين؟؟ بقالك فترة من يوم ما عملتي البوست ده مش بتظهري لا على الماسنجر ولا عندي على المدونة ولا بتردي على الكومنتس يا دوب تعمليلها بابليش وخلاص..

متقلقينيش عليكي ولعل المانع خير.. قبلاتي

VEЯŎ said...

sa7 lel2saf

واحدة من الاخوان بتحب البلد دي said...

انك تقولي الفكرة في كلمتين لا في كلمة ونص

جبتي المفيد يا دينا

وان كنت اظن انه مش شرط يكون الشخص الخطا
انما جايز الظروف الخطا
او التوقيت الخطا
او جايز فعلا زي ما قلتي هو الشخص الخطا

تختلف الاسباب والنتيجة واحدة
اننا بندور ويا الدنيا وسط دوامة الاختيار الخطا

Mohamed A. Ghaffar said...

طب ما يمكن احنا اللى غلط

أحمد..يكتب كما لم يكتب من قبل said...

لكن قوانين الصدفة تكفل (أحيانا) ان تلتقي الشخص الصح..
عزيزتي دينا لا ادري سر بلوجك
لكني اعلق كثيرا عليه وتعليقاتي لا تصل!

تسـنيم said...

دينا... حوّل

انتي فين يا بنتي.. هو أنا جيبتلك اكتئاب للدرجة دي.. حقك عليا وبما إنك مكتئبة بلاش تيجي عندي المدونة خاااااااالص.. طمنيني عليكي وبس

كلام لوجيك said...

ده الطبيعى
امال ازاي هنعرف الغلط من غير مانعمله
الدنيا قد تخدع الانسان حتى لو كان ذكى
حتى لو احتاط لكل شيء ودرسه جيدا
ليس الامر بالاختيار الخاطئ او التسرع مثلا
بل هو اكبر من ذلك بكثير
انها عوامل كثير متشاركة ومتشابكة تتجمع معا وتجعلنا نخطئ بالاختيار

انها الدنيا يا اختى الكريمة
دائما هكذا
وليس فقط فى هذا الموضوع
بل فى كل شئ اخر من حولك
فلماذا نلجأ لقرار خاطئ فى الحروب
او فى اختيار خاطئ فى الشراء
قد تساعنا الاخطاء فى التعلم والاتعاظ
قد نأخذ قرارا خاطئ ويكون هو سبيلنا الى النجاة بدون قصد
انها حكمة الله
اسف للإطالة
دمتى بألف خير

Ultimate Freedom said...

انا متأخرة دايما لأني وصلت للبلوغ متأخر
انت حطيتي ايدك عالجرح
انا بقناعتي انو الحب القوي جدا ينتهي دائما بالفراق
الشخص المناسب قلما ياتي بالوقت المناسب
تحياتي