Saturday, March 24, 2007

ما بعد الحفل

لم أستطع إلا أن ابتسم له بود
ونسيت تماما أن آخر عهدي به كان جملة واحدة
مش عايزة أعرفك تاني
ولا يجوز له الآن إلا الدعاء بأن يبارك الله له في حياته الجديدة وأن يجعله من السعداء
.......
الخطأ
تكون نتيجته ابتسامة كاذبة على الشفاه
وحسرة في العيون
وصمت تام في لحظات الخلوة
......
اللهم يسر لنا طريقك القويم واجعلنا من أصحابه

19 comments:

أحمد said...

أنسى اللى فات و اللى كان واللى جرى

-_- said...

امين

دينا فهمي said...

نسيته خلاص الحمد لله

Shower-Mirror said...

لا مانسيتيهوش يادينا ...ده انتى بتكتبى عنه هنا كل يوم :)

انا فاهمك كويس ...:) ده انا اللى اكتشفت حكاية 21/3


بطلتى تيجى عندى ليييييييه ... !!!

محمد عبد الغفار said...

قلب ابيض قلب لا يتعب

قلب منكوت بنكت الضغينه قلب تعبان اوى

محمد عبد الغفار said...

قلب ابيض قلب لا يتعب

قلب منكوت بنكت الضغينه قلب تعبان اوى

عبدالله said...

في القلب دائما مساحه للتسامح و للحياة ايضا

تحياتي

دينا فهمي said...

shower mirror
لا انت مش واخد بالك (:
كلامي في المدونة مش على شخص واحد (:
وأنا أسفة والله انا الايام دي مش عارفة اتابع اي حد لاني كنت ومازلت مشغولة جدا فاعذروني بس باذن الله لي عودة


محمد عبد الغفار
كلامك مظبوط جدا
ربنا يعافينا

عبد الله
جملتك بجد هايلة
كل التحايا (:

كراكيب عادل said...

فية دواء جميل جداا لكل شئ سيئ فقط الهدوء ثم الايام وتداولها

دينا فهمي said...

الواحد مابيدركش الكلام ده الا لما تكون كل حاجة خلصت أصلا (:
شرفت بزيارتك

safa7_karmooz said...

مممممممممممممممم

ربنا يهنى كل واحد بحياته ....

او الاصح سعيد بسعيدة ...

بس اهم حاجه ....بلاش نشمت ...عشان فى الاخر بتتقلب ضدنا ...

وكمان ده اكبر دليل عالقوة الموقف ده ...:)

دينا فهمي said...

مش شماتة والله (:
نورت مدونتي

محض روح said...

المشكله اننا بننسى المشكله اننا بنتنسى

وربنا يتقبل دعاء يارب
ويسر للجميع كل امر عسير

:)
انا بموت فى اغنيه قصر الشوق
احيك على اختيارك
وكان فيه مشكله عندى فى التعليق على البوست الى فات

دينا فهمي said...

مبسوطة جدا بجد من زياراتك وتعليقاتك (:
وكوننا ننسى أو نتنسي
الاتنين مأساة
بس عادي بردو الدنيا بتمشي (:

bRoKeN HeArT said...

اول مرة ادخل البلوج ده
بس شدنى فعلا لأن ذوقك رائع
و اسلوبك أروع
الصراحة انا مش عارف الموضوع اوى,
بس انتى كملى حياتك طبيعى و ان شاء الله هتلاقى الانسان اللى بتتمنيه
لأنك شخصية ظريفة و خفيفة

بروكن هارت

دينا فهمي said...

متشكرة جدا على كلامك
نورتني بزيارتك (:

koka said...

الخطأ
تكون نتيجته ابتسامة كاذبة على الشفاه
وحسرة في العيون
وصمت تام في لحظات الخلوة


احسنتى التعبير ..

نفسى مرة ادخل مدونتك ومحسش انك بتتكلمى عنى

حتى التواقيت يا دينا

دينا فهمي said...

دعاء صح؟؟؟؟؟
يا حبيبتي يا دعاء
والله كله بيعدي
فاكرة ساعة لما كنا واقفين مع بعض في الكلية اخر مرة؟؟ قلتلك ساعات كتير جدا بنفتكر ان دي نهاية الدنيا.. واهي لسه مخلصتش وماشية وماشية فلة كمان (:

koka said...

:) ربنا يسعدك دايما

هى فعلا مش بتقف على حد .. بس صعب تنسى الذكريات
تنسى لحظات عشتيها وحسيتى فيها انك اسعد مخلوقات الكون ..

بس فعلا كله بيعدى ..