Friday, March 23, 2007

حوار

ازيك؟؟-
الحمد لله-
ايه أخباراتك انهاردة؟-
كويس الحمد لله-
بس على فكرة
كلمة أخباراتك دي بتاعتي أنا أصلا
وكلمة أصلا دي بتاعتي أنا-

15 comments:

أحمد said...

أنا معرفش البوست ده بيتكلم عن مين أو مين أطراف الحوار
لكن رأى الخاص اللى قد نتفق أو نختلف عليه
أن طرفى الحوار ده بيحبوا بعض جدا
لدرجة أن سعادة أحد طرفى الحوار بتتمثل فى الأستمتاع
بتذكر حوار زى ده لأنه يعنى لها الكثير

دينا فهمي said...

هي مش فكرة الاستمتاع بتذكر الحوار يا أحمد
بس إنك تحس بإنك مأثر في حد ومتأثر بيه

المعلومة الناقصة said...

أول ما قريت البوست ده , جه على دماغى صورة ترسين متجانسين بيفلوا مع بعض لكن كل واحد عكس التانى و فى نفس الوقت الترسين مستمتعين للغاية بالمساحة المشتركة

أنا قلت الأستمتاع , لأنه من وجهة نظرى حاجة بسيطة لكن ليها مدلولات كتير عند طرفى الحوار وبيتلخص فى كلمة واحدة انتى قلتيها
"تحس"
أنك تحس بإنك مأثر فى حد
حاجة بسيطة جدا لكن ترضى كلا طرفى الحوار

ربنا يسعد كل ترسين متجانسين ببعض
:)

تــسنيـم said...

ياااااااااه.. مريت بنفس الموقف أول إمبارح أول يوم ليا بعد ما رجعت الشغل بعد فترة انقطاع كانت أعظم مفاجأة وصدمة لكل من يعرفني حتى نفسي..

اتصل يسأل على نتيجة عينة.
ألو..
أيوة إزيك يا باشمهندسة
مممممممم مين معايا
أنا فلان
أيوة ازيك يا باشمهندس
الحمدلله ازيك انتي عاملة اييه
كويسة
ازي صحتك
كويسة الحمد لله، أي خدمة
أيوة تحليل العينة الأخيرة؟
البي إتش كذا والدراي ماتر كذا والمويستشر كذا والملح كذا
شكرا
حطيت السماعة
.......................

أكيد هتخطى الأزمة دي وماما بتراهني إني بكرة هفتكر الأيام دي وأضحك
وانا واثقة في أمي

smraa alnil said...

علي فكرة بقي كلمة اخباراتك دي برضه بتاعتي انا

بس عارفة بجد اجمل شئ انك تحسي انك اثرتي في حد بيتكلم بلسانك وبتتكلمي بلسانه
تجانس
والاحسن ان كل واحد يشوف الدنيا بعين التاني

انتي ازيك ؟؟

أحمد said...

التعليق التالت بتاعى برضوه يا دينا
ومش عارف مكتوب ليه بس مبرمج
ولينك البروفيل بتاعه مش شغال
!!!

محض روح said...

هو انا علقت ولا

دينا فهمي said...

مش عارفة يا أحمد ليه ظهر كده
بس عموما حصل خير واسمك منور في الرد التاني أهو (:

تسنيم
بجد هتعدي
والله هتعدي
أنا كنت متخيلة إن كل الناس بتنسى على حد قولهم إلا أنا
وكنت بجد متخيلة إني عمري ما هنسى ولا أصلا حتى كنت عايزة أنسى
ونسيت الحمد لله والدنيا ماشية تمام
وكمان ربنا بيعوضك والله بعدها عن كل الأيام اللي تعبتي فيها
ثقي في الله


محض روح
مش فاهمة التعليق للأسف (:


سمراء النيل الجميلة
ماشي يا ستي احنا مقتبسين الكلمة دي منك (;
وبجد زي ما قلتي
أجمل حاجة في الدنيا إنك تحسي ان حد متأثر بيكي وبيقول الكلام اللي بتقوليه من غير ما يحس
ويطلع منك انتى كمان كلام هو اللي بيقوله بردو من غير ما تحسي
التجانس
بجد نعمة من نعم ربنا
أنا فلة الحمد لله (:
ودي بردو من كلماتي (;

محمد عبد الغفار said...

تدوينه خارج سياق المدونة

والكلام بتاع كل حد

دينا فهمي said...

لا مش بتاع كل حد يا محمد
وبعدين أنا كنت بفكر قبل كده في نقطة خارج سياق المدونة أو خارجها زي ما بتقول
ولقيت إن المدونة دي ملك للشخص يسجل فيها اللي هو عاوزه
وأنا كنت عايزة أسجل اللحظة دي وبتمثل لي حاجة
فكونها بأه خارج أو داخل فما يعنيش حد إلا أنا

كل التحايا (:

دينا فهمي said...

نقطة تانية يا محمد
مفيش حاجة اسمها الكلام بتاع كل حد
كل شخص فينا بيبأى له كلمات مميزة بيقولها باستمرار وبيعرف بيها وتعرف بيه
لو دورت في كلامك انت نفسك هتلاقي كده
ولما تدور ابأى قوللي توصلت لايه (:

محمد عبد الغفار said...

اى اى

قلمين على وشى جامدين اوى

انا مقصدش انى اعدل عليكى ، فقط كان مجرد رصد

اكيد صح ، بس مش حكر عليه يعنى والا الدنيا مكنتش اتطورت ملى لو كل واحد احتكر كلامه

والله لقول لبابا

دينا فهمي said...

(:
(:
لا يا فندم مانقدرش
لا عاش ولا كان (:

محض روح said...

كتير بيكون كلمنا واحد
يمكن من كتر متاثرنا بالناس من حولينا فبيكون الكلام شبه بعض

:)
وكلمه اخبارتك ديه تبع ناس كتير

دينا فهمي said...

ما أنا عارفة طبعا إنها بتاعت ناس كتير (:
يا جماعة واضح ان قصدي مش مفهوم من اللي كتبته بس خلاص ماتاخدوش في بالكم (:
أنا ماقلتش ان الكلام حكر على أشخاص دون أشخاص
زي ما قلت قبل كده
ده موقف أنا كنت عايزة أسجله
وبس كده (: