Friday, March 16, 2007

خبا شيء

وجدت نفسي أستمع إلى أغنية فيروز بلا وعي
....
تبأى ميّل تبأى إسأل
متل الأول ضل إسأل
الله لا يشغل لك بال
وديلي منك مرسال
إسأل إسأل
....
ليست المشكلة إذن في أن يضل يسأل
بل أن يظل يسأل متل الأول

19 comments:

Shreef said...

يا سلام طيب ما هو لو هيسأل اكيد هيسأل زي الاول امال هيسأل ازاي..مش كده ولا ايه

أحمد said...

تصدقى بالله , مش عارف أقولك أيه
أنا حسيت بالتدوينة دى اوى

فكرتنى بجملة كده قريتها فى قصة
أغضب المهم أنك تغضب

معناها أن الغضب
يعنى الأهتمام .. هو غضب اه
لكن اهتمام فى الأول و الأخر

دينا فهمي said...

لا يا شريف
مش معنى انه يسأل انه بيسأل زي الأول
سؤال عن سؤال يفرق

أحمد
لا أنا مش قصدي مجرد انه يهتم
ما هو مهتم
بس اهتمام تحس إنه شكلي
غير اهتمام قبل كده

Unknown said...

ياستى
يسأل زى الاول او مش زى الاول
المهم انه يعبرنا اصلا
ههههههههههه

دينا فهمي said...

لا يا ستي ما هو معبرنا الحمد لله
بس مش ده اللي عايزينه (:

أحمد said...

ممكن يكون وهم على فكرة , بمعنى أنه مهتم وكل حاجة بس فيه حاجة مضيقاه من مشاغل الحياة خليته مهموم شوية و أى حد لما بيبقى مهموم تركيزه و اهتمامه فى تعامله مع الأخرين ممكن يقل شوية , وهو مش عايز يشاركها فى أرض همومه عشان ما تتضايقش وتزعل علشانه , وساعتها أهم حاجة نقوله له بأسلوب غير مباشر أن احنا فى أنتظار رجوعك من أرض همومك على أحر من الجمر

محمد عبد الغفار said...

ولا فهمت اى حاجه

دينا فهمي said...

كلامك حلو أوي يا أحمد
وحلوة أوي فكرة انها تقول له أنا في انتظار رجوعك


محمد عبد الغفار
مافهمتش ايه بس؟ (:
الموضوع سهل
واحدة حسة انه كان في شخص مهتم بيها بشكل معين ودلوقتي هو مهتم بيها أيوة بس مش بنفس الطريقة وللا الشكل
يعنى خبت اللهفة اللي كانت قبل كده والشوق الجارف
بس فهي عايزاه يرجع زي الأول

كده ايه الاخبار؟؟ (:

محمد عبد الغفار said...

عاوزنا نرجع زى زمان قول للزمان يرجع يا زمان

إبـراهيم ... said...

الأول حمد لله على سلاااامتــك يا ستي ...

كنت على يقين إن الطير اللي اتعود على الحـرية ، صعب يسكت ، أو يتحبس


ـ ـ ـ ـ ـ ـ ـ ـ

أيوة كمده نوري المدونات من جديد

في انتظار تدويناتك الجديدة ، وياريت تشرفينا

....................

على الله تكوني فهمتيني لما قلت لك أيوة اقفليها ، ولا أيوة هيا عبث :)

تحياااااااتي يا دينا

دينا فهمي said...

الله يسلمك يا إبراهيم
متشكرة
والمدونات منورة بناسها (:

Shreef said...

اه كده تمام..يبقى المقصود بالسؤال الاهتمام يعني بمعنى اصح يرجع يهتم بنفس الدرجة اللي كان بيهتم بيها قبل كده..كده فهمت..تحياتي ليكي

دينا فهمي said...

ايوة بالظبط كده تمام (:

محض روح said...

المشكله مش السؤال
المشكله فى روح السؤال
فقد روحه القديمه ولا لسه محتفظه بنفس الروح
الشغف موجودولا السؤال لمجرد واجب السؤال
:)
تحياتى

-_- said...

ازيك يا دينا ؟؟

ما اجمل رجوع الاشياء الى اصلها و وضعها الذي تعودنا عليه

حتى في الحب

لماذا لا تسألنى فقد تعودتك تسأل

و السؤال مثال لحاجات كتير ممكن تتغير في الواحد

و يفتقدها حبيبه

Shower-Mirror said...

الله ... حلو اوى التعبير ده انه يسأل زى الاول ...

الواحد ممكن يلاقى نفسه قدام حد كان هايتجنن عليه من زمان ... و يتفاجئ بنفسه خلاص مش بيحبه ... مش بيحبه زى الاول .. الزمن شئ رهيب

الفكره دى تقريبا انا حسيتها لما شفت فيلم عن العشق و الهوى ....

الاتنين سابوا بعض من اول الفيلم و فضلوا هايموتوا على بعض ..و لما الزمن جمعهم تانى ما قدروش يقعدوا مع بعض 10 دقايق .. تحياتى و ابقى زورينى تانى زيارتك اسعدتنى :)

maged stephen said...

الحب بهدلة
والوحدة أيضا

دينا
بقالى أكتر من شهر مدونتك بابها مقفول على مش عارف ليه؟ وكل مااجى أدخل عندك الاقى رسالة معناها لقراء المدونة فقط يا سيد
اخر مرة جبت شهادة من أبلة زينب أنى بعرف أفك الخط وبرده مفيش فايدة

الخلاصة
هل ده مجرد هطل من الموقع؟
والا حاجة تانية؟
برجاء التوضيح بصراحة حتى لا أكون ...

دينا فهمي said...

محض روح
أنا معاكي جدا
ونورتيني (:


شرم
أنا كويسة الحمد لله (:
عجبتني أوي جملة لماذا لا تسألني فقد تعودتك تسأل


shower mirror
أنا اللي سعيدة جدا برد الزيارة
وبإذن الله ولا أنا ولا انت نقطع الزيارات (:
بس أحمد السقا في الفيلم مافضلش يحب منى طول الفيلم ولا حاجة
هو عاش حياته ولقى بغيته في منة شلبي ونسي منى لكن منى هي اللي فضلت فاكراه
وبالمناسبة
الفيلم ده بحبه (:

دينا فهمي said...

ماجد ستيفن
لا المدونة كنت قافلاها عند كل الناس وكنت أنا بس اللي بعرف أدخلها
وحضرتك لو شوفت الموضوعين اللي فاتوا هتلاحظ ده
تحياتي