Sunday, February 11, 2007

حدد طريقك


نقابل الأشخاص الخطأ في الوقت الصحيح

والأشخاص المثاليين في الوقت الخطأ

فنوهم أنفسنا

ونغلف الحقائق

ونقلب الموازين والمعايير

...

ولكن كل شيء قابل للتغيير والتصحيح

كل شيء

52 comments:

sharkawoo said...

في علم النفس في تقسمة للبشر بتقول ان هناك ناس يشعروا ان أنهم يستطيوا التغير من الداخل

وآخرون يعتقدون ان التغير يأتي من الخارج


قد يحتاج الإنسان لبعض الوقت ولكن ما دام علي الطريق الصحيح فلا قلق...

جميل :)

دينا فهمي said...

المهم اننا نكون فعلا على الطريق الصحيح
أشكر لك إضافتك وزيارتك الأولى لمدونتي (:

أحمد said...

جميله أوى التدوينة يا دينا والله
تصدقى أن أحنا أحسن شعب
يحط عراقيل أمام تغيير وضع لا يحتمل
والأمثله كتيـــــــــــــــــــــــــــــــــــــــر
لكن إرادة التغير بتنبع فى الأساس من
داخل الشخص قبل أى شىء حتى لو
هيتحدى كل الناس لكن أهم حاجه حتة
الطريق الصحيح .. هو ده المهم و
التوفيق من عند الله

دينا فهمي said...

ربنا يهدينا كلنا للطريق الصحيح ويجعل جوانا القدرة على التغيير للأصلح

Ahmad said...

مش فاهم :S

love4u said...

التغيير


قرار صعب


اثاره


لايمكن التنبوء بها
لذلك افضل


الابتعاد و ليس التفيير


ابتعد عما يضايقنى و اتمسك
بمسكنات الالم حتى و ان كانت وهم فالوقت ليس فى يدى لكى
اغير و اشكل
و ذلك يحتاج الى وقت

smraa alnil said...

عارفة صعب اوي تعرفي مين الصح ومين الغلط

عشان بمنتهي البساطة مش في لوحات تقولك انتي ماشية في الطريق الغلط

اسهل شئ تتخدعي

محمد عبد الغفار said...

ده اذا كان عندنا الرغبه للتصحيح

قطر الندي said...

انا معاكي في ان كل شيء قابل للتغير و اننا نقدر نبتدي بتغير نفسنا من جوانا من برانا المهم نصحح اوضعنا الغلط و في الوقت دا هانقدر نختار الاشخاص المناسبين في الوقت المناسب
علي فكره مدونتك جميله اوي و ان شاء الله هازورك دايماً

... said...

اوعى تكونى بتفكرى تغيرى مسار
وتاخدى دبلون

حبيت بس امسى عليك

تدوينتك حلوة
واكيد هنلاقى يافطة بتدلنا للطريق الصحيح.. يوما ما

Anonymous said...

ممكن نعمل جدول ونحدد احنا عايزين نقابل مين إمتى وفين..
وجدول تاني ونحدد فيه العكس. يعني مش عايزين نقابل إمتى وفين.. ساعات بيضبط.

تحية

Anonymous said...

اول مرة سمعت جملة بنفس الفكرة كانت في فيلم أبو علي

قال لها...مشكلتنا اننا بنقابل الناس الصح في الوقت الغلط

..

ساعتها كنت فاكراها منطبقة عليا جدا

ما علينا

الفكرة دي صح جدا ومتكررة بصورة ملحوظة

وحلوة اوي صياغتك ليها

FTM said...

لا حيلة للإنسان ان يتحكم بالوقت الذى يقابل بة الأشخاص المناسبون..و قد يقابلهم فى وقت غير مناسب .. انة القدر ولا حيلة لنا فى ذلك

أخف دم said...

البوست صادق جدا يا دينا..وفعلا احيانا بنقابل ناس مش فى مواعيدها اللى المفروض نقابلها فيها بس احنا برضه ممكن نحول أى ميعاد لميعاد احنا عايزينه..حاسس ان فعلا كل واحد ممكن انه يقلب كل التوقعات ويعيش الحياة بكل تقلباتها ببساطة ومعتبر ان كل اللى يحصل له أو يقابله فيخ الخير ليه..
ربنا يقدرنا نكون بسطاء ونتعامل مع الحياة ببساطة.

هبة الله said...

جميلة قوي يا دينا....

مُصْعَب إِبْرَاهِيم said...

لكن الثمن في غاية الفداحة..

يا مراكبي said...

أه .. جيتي عالجرح

نفسي مرة أقابل الناس الصح في الوقت الصح

لكن حتة التغيير دي . صعبة قوي

تــسنيـم said...

عارفة كنت لوقت قريب مقتنعة بمقولة بتقول أنك دائما تجد الشخص المناسب في الوقت الغير المناسب والعكس صحيح..

وعندك حق حدد اللي انت عايزه واعمل على تحقيقه وارفض رفض تام إن حد يسرقه منك مهما كانت سلطته ...

عايز طب وريني مدى إحتياجك واثبتلي جديتك.. وهذا ما قررت أن أفعله..

من زمان مجيتيش عندي ولو جيتي هتكتشفي إن فيا حاجة اتغيرت..

قررت ألا أسمح لطرف تالت مهما كان أن يفرق ما بيننا وسأثبت للجميع أحقيتي فيما أريد وسأجعله في صفي لنتوحد وتقوى جبهتنا.. وبعدين بقى نبقى نتحاسب.

Anonymous said...

تفتكري ليه انا داخل انونيموس مش كان ممكن اكون مواطن صالح وليه امييل وعندي بلوج واكتب اسمي زي كل الناس اللي كتبت اساميها . هقولك لأني انا الشخص الخطأ اللى دايما بيجي في الوقت الصحيح وتنقلب الموازين معاه واحيانا اخرى بكون الشخص المثالي في المكان الخطأ ... معلش كل التعليقات مشيت في ال
wrong way
ودي وجهة نظر من ال الطريق الخطأ من الناحية التانيه يعني ممكن كلنا نكون الشخص الخطأ

مـحـمـد مـفـيـد said...

الله علي الوجع
بس بجد المبادئ لا تجزأ
فانا شايف اننا لازم نقابل ده ونقابل ده
وبعدين احنا نقرر
بوست جامد اوي

دينا فهمي said...

كل كلامكم مفهوم وبشكركم عليه جدا وعلى تواجدكم
اللي مش فاهماه بس رد الضيف الكريم بس عموما خير (:

Anonymous said...

Anonymous
ده محمد محرز
تراهنوني على كام ؟

دينا فهمي said...

لا طبعا مش هو خاااااااالص

wayfarer said...

بالفعل ما أشرتي إليه في مدونتك صحيح و لكن يجب علينا جميعا أن نتحلى بالشجاعة و القدرة علي تعديل المسار و تصحيح الأخطاء كما تحلينا بالشجاعة عندما أعترفنا بها
تدوينة جميلة
ودت أن أسجل إعجابي و مروري

SOLITUDE® said...

محمد عامر:

أمك اصمها حنفي

bluestone said...

نقابل الأشخاص الخطأ في الوقت الصحيح


والأشخاص المثاليين في الوقت الخطأ

صحيح
صحيح جدا
ولكن ليس صحيحا ابدا
ان كل شيء قابل للتعديل والتصحيح

دينا فهمي said...

مع احترامي
ولكني مازلت أرى أن كل شيء قابل للتعديل والتصحيح حتى ولو كان هذا التصحيح سيخلف آثارا سلبية على البعض أو ألما للبعض ولكن عدم التغيير مع العلم بأن ما نمشي فيه طريقا خاطئا سينتج عنه أضرار أكثر

Anonymous said...

يدهشني تماما قبول رد محمد محرز بما فيه من إهانة
لو لم يتحتم على صاحبة المدونة التأكيد على نشر الردود لما تعجبت
لكن أن يمر عليها أولا و تقر به فهذا ما لا أتوقعه أبدا
تحياتي لأخلاقكم الكريمة

Anonymous said...

قصدي بوستي الأخير يا دندنونة وإنه دليل على إن كل شئ قابل للتعديل.. مش هسجل علشان متاخرة والباص هيفوتني..
تسنيم

chaos said...

فعلاً شر ابلية ما يضحك و البوست بتاعك حقيقي جداً
لكن هل كل شيء قابل للتصحيح ؟؟؟؟
اشك
للأسف لا اعتقد
عجلة التاريخ لا ترجع الي الخلف!!!!!!!!!!!

chaos said...

بوست جميل و واقعي جداً فشر البلية ما يضحك لكن احياناً لا يمكن تصحيح كل شيء
عجلة التاريخ لا ترجع الي الخلف
للأسف

زحل الفلكي said...

...


ولكن كل شيء قابل للتغيير والتصحيح


كل شيء

ياااااااه متتخيليش انا مؤمن بالمقولة دي اد ايه

فعلا كل شئ قابل للتغير
بس لو حبينا

شكراً على البوست القصير
المركز

micheal mohsen said...

نعم...كل شيء قابل للتغيير و التصحيح فقط اذا ما تم اكتشاف الخطأ في الوقت المناسب و لكن كلما تأخر اكتشافة ازدادت المهمة صعوبة
تحياتي

SOLITUDE® said...

الأنونيموس المندهش:

لا تندهش يا كابتن...زي ما انا مش هندهش من ردك كمجهول والله اعلم إنت المجهول الاول ولا محمد عامر ابن الست حنفي ولا مجهول كان معدي ع البلوج واندهش فكتب ليبدي اندهاشه

ما علينا...الموضوع مفهوش اهانة خالص...كل الحكاية إني بستنتج اسم الست الوالدة زي ما هو شاطر وبيحاول يستنتج اسم الشخص المقصود في البوست

مرة تانية...اوعى تندهش
:D

The Alien said...

it is never late
وأي حاجة وأي غلطة ينفع تتصلح
المهم نعرف ونفهم ونغير

مدونتك حلوة
تحياتي

بيتنا القديم said...

دينا
السلام عليكم

بعد أن اقول.."جميلة قوي..وشيك جداً..وضربة موفقة..وسربريس..للبوست بتاع سمو حضرتك كالآخريين..إلخ

نأتي للكلام الجد وجداني
أنا صدعت من كثرة تشخيص الحال وتشريحة
السؤال الأهم...نحتاج الي فورمات للذات وإعادة تسطيب نسخة قابلة للواقع...الذي نمر به جميعاً

علي العموم ربنا ما يحرمناش من لسعاتك النحلوية...ويكفينا شر حركاتك البوستية

قبل ما أنسي انت مدعوه الي مبارزة تاااااااااااجية جميلة...ورقة الأسئلة موجودة علي مدونة العبد لله ..داخل بوست أسمه "تاج وأمري لله"..رجاء الحضور في الموعد المحدد..معاك شنطتك وسندوتشاتك...ومتنسيش تحضري معاك شهود المبارزة التابعين لسموك
سلام

Anonymous said...

أين انقطعتِ أختنا ؟
عل المانع خير

micheal said...

feenk ya dina..hope u r fine

مُزمُز said...

لأ أنا مختلف معاكي تماما تماما

ليس هناك شئ قابل للتصحيح والتغيير

كل شئ يسير كما تقدر له أن يسير ونحن علينا أن نتفرج على الأحداث ونبتسم في سخرية هي سلاحنا الوحيد أو نكتئب وننتحر

تظل حقيقة ي القلب توجعه وتضنيه
ولو جفت بحار القول لم يبحر بها خاطر
ولم ينشر شراع الظن فوق مياهها ملاح
وذلك أن ما نلقاه لا نبغيه
وما نبغيه لا نلقاه
وهل يرضيك أن أدعوك يا ضيفي لمائدتي
فلا تلقى سوى جيفة؟
تعالى الله
أنت وهبتنا هذا العذاب وهذه الآلام
لأنك حينما أبصرتنا لم نحل في عينيك
تعالى الله
هذا الكون موبوؤ ولا برء
ولو ينصفنا الرحمن عجل نحونا بالموت
تعالى الله
هذا الكون لا يصلحه شئ
فأين الموت أين الموت أين الموت

الأستاذ

صلاح عبد الصبور

cast2way said...

ولكن كل شيء قابل للتغيير والتصحيح
كل شيء

اذاكنتى تقصدين بهذه الجملة ان كل شىء يعنى ايضاً المشاعر فانتى على حق
فقد تتغير المشاعر
الحب الى ذكرى او رحمة او مودة

اما اذا كنتى تقصدين المحسوسات فهذا قد يكون ولكن فى نطاق ضيق جداً

ولا يكون على الاطلاق

اما عن الطريق فقد يكون هذا الطريق قد حفره الانسان داخله ويصبح الامر كله قابل للتغيير

بوست جميل

والسلام

مراكب ورق said...

اليس معيار الصواب والخطأ أمر نسبي تماما
اليست تعبيرات صواب وخطأ تعبيرات بالية ومستهلكة ومعقدة لاقصى درجة

kaed said...

الأخت العزيزة دينا
مش مشكلة أنك تقابلى الشخص الغلط
المشكلةإنك تعرفى أن هو غلط بدرى بدرى

moodysalihamidzic said...

هو مفيش بوست جديد؟

سابرينا said...

ولكنةهل يسمح لنا القدر بالتصحيح؟؟؟
i don`t think sooooo!
بوست جميل كالعادة

أحمد said...

أيه ده
أنتى بقالك فترة طويلة أوى
مش بتكتبى يارب المانع يكون خير

أحمد said...

يارب تكونى بخير يا دينا
وترجعى تكتبى تانى

دينا فهمي said...

المانع خير الحمد لله (:
متشكرة بجد على سؤالكم

أحمد said...

الحمد لله رب العالمين
ربنا يوفقك يا أختى الفاضلة
إلى ما يحبه ويرضاه

Ahmad said...

:(

micheal said...

حمد الله علي السلامة..انتي كنتي مخصمانا و لا اية

أحمد said...

مرحى مرحى

يادينا

عوداً حميداً

Anonymous said...

أبكتني هذه الكلمات
ليس الا لانها صحيحة تماما
وتنطبق علي شخصياً