Friday, February 2, 2007

الفقي لما يسعد

يجيله تاجين في أسبوع واحد
مع الاعتذار للمثل القديم
******
علي ربنا يعمر بيته بعتلي تاجين
واحد اللي أنا رديت عليه قبل كده فكده يبأى فاضللي واحد
نبتدي بأه في إجابة التاج الجديد
******
اية اللي حيحصل لايميلك لما تموت ؟
ولا حاجة هتفضل الناس تبعت عليه لغاية ما يتملي ويتقفل بسبب عدم الاستخدام وخلاص
اديت الباس وورد لحد قبل كده؟
أيوة
لو اه كانت طبيعة علاقتك بيه اية؟
صديقتي
اســــــمك؟
أشهر من نار على علم
دينا
اسم الدلع المشهور وسط اصحابك؟
كتير جدا
دودو وديدي ودندون ودندن وأي حد عايز يقول حاجة بيقولها بس عموما أنا بحب النداء باسمي من الناس اللي أنا ما اتعودتش منهم على اسم دلع
لكن مثلا ماما لما تقوللي يا ديدي يبأى احنا حاليا في حالة الرضا السامي لما تقوللي يا دينا نبأى متخانقين
برجك؟
العقرب
شخصيتك نوعها ايه؟
ايه السؤال الفظيع ده؟ يعني ايه ان شاء الله شخصيتي نوعها ايه؟
شخصيتي كويسة جدا الحمد لله
السفر بالنسبة لك؟
مابحبش السفر وبيبأى تقيل على قلبي جدا وخاصة الأماكن اللي روحتها قبل كده لأن الموضوع بيبأى ممل
لكن بحب أسافر أماكن جديدة وده مابيحصلش كتير للأسف
بس أتمنى إني لما أبأى مسؤولة عن نفسي بعد كده اني أسافر كتير من باب العلم بالشيء
المود بتاعك؟
ماشوفتش قبل كده بصراحة تاج عجيب زي ده
يقصد يعني المود بتاعي حاليا وانا بكتب؟؟
كويسة جدا بردو الحمد لله وفلة
اليومين دول مبسوطة فعلا الحمد لله ومرتاحة نفسيا
وقت فراغك بتعمل فيه ايه؟
للأسف كتير بدخل على النت لما أكون فاضية ولما يكون النت غير متاح لأي سبب بيبأى البديل الكتب
الاكلة المفضلة؟
أنا بحب عموما الأكل برة البيت
وخاصة البيتزا بتاعت سبارو
واسألوا آية
هارياها ياعيني البنت
الصفات اللي خدتها من بابا؟
القدرة على التعبير بالكتابة
اني بسكت لما أكون زعلانة
ان انفعالاتي السيئة ما بتبانش بسهولة أبدا
خفة الدم
الصفات اللي خدتها من ماما؟
أسلوب التفكير إلى حد ما
التفوق الدراسي
اكتر 6 حاجات بتكرهها؟
الصحيان متأخر مع اني بعملها كتير جدا لكن فعلا ببأى متدايأة جدا من الموضوع ده
التهاون في المواعيد
الاستهتار وعدم تحمل المسؤولية أيا كانت
أنى اضطر اتعامل مع ناس مش بحبهم
إن حد يستخف بالمشاعر أيا كانت المشاعر وأيا كان الشخص
أيام الامتحانات عافانا الله وإياكم
اكتر 6 حاجات بتحبها؟
عكس الست حاجات اللي بكرهها
وممكن نزود
الجلسات العائلية
جو رمضان
العيد.. بحس إنه فعلا فكرة عبقرية
صوت فيروز
كورنيش النيل
يوم الثلاثاء
الشغل بالنسبة لك؟
الحمد لله عشان أنا بدرس حاجة أنا بحبها وأحلامي كلها في الجانب ده فالشغل بالنسبة لي هيبأى تكملة لسلسلة الأحلام الخاصة بدراستي
ايه الكمبيوتر والانترنت بالنسبة لك؟
دنيا غير الدنيا
زي الأحلام بالظبط بالنسبة لي
عوالم مختلفة عن اللي احنا عايشينه
******
بجد حسيت اني في استجواب واعذروني إجاباتي خنيقة نظرا لخنقة الأسئلة
وبهذه المناسبة أحب أخنق قصدي أمرر التاج ده لــ
هبة الله و تسنيم و محمد محرز و مصعب و محمد عبد الغفار و مبرمج حر وشيماء اللي لسه ماجاوبتش على التاج اللي فات و أحمد لما يرجع بالسلامة والأهل في المنصورة والإخوة في بلاد ما وراء النهر

17 comments:

Mohamed A. Ghaffar said...

كفايه . . . حرام

هو انت كل مصيبه تحشرينى فيها انا كنت عملت فيكى حاجه وحشه ، انا لحقت اخف من حبوب الصراحه اللى بلبعتها عشان أكتب الأولانى عشان ادبس فى التانى

دينا فهمي said...

ماليش دعوة
انا ما اتدبسش لوحدي

أندلس said...

ياختي عليكي وعلى نظامك واسلوبك وحلاوته

تفتحي النفس على الكتابة

الاسئلة عجيبة بس انت جاوبت جميل اوي

دينا فهمي said...

يا حبيبتي الكلام حلو عشان انتي اللي بتقريه
وللا اقوللك
لا انا خلاص قلت هقطاعك
خلاص قاطعتك

أندلس said...

شكلي هتقاطعيني غصب عنك..

اصلي هموت من البرد

مبرمج حر said...

لاااااااااااااااااا
نفس التاج ده تانى

اللهم أنى لا أسألك رد القضاء
ولكن أسألك اللطف فيه

ماشى يا دينا هنجاوب
على التاج العتيد ده

مـحـمـد مـفـيـد said...

صراحتك جميله يا دينا

دينا فهمي said...

مبرمج حر
انت جالك قبل كده وللا ايه؟؟ (:
خلاص لو جالك قبل كده مش لازم تجاوبه ولو ان التكرار بيعلم الشطار

محمد مفيد
متشكرة بجد
نورتني (:

مبرمج حر said...

لا مجاش قبل كده
بس لسه التاج ده متمررلى من
تسنيم
النهارده

دينا فهمي said...

اهااااا
طيب فل جدا
جاوب بأه

Sharm said...

ردود حلوة

دينا فهمي said...

متشكرة(:

هبة الله said...

التاج ده جميل اوي...حاضر يا دينا مع اننا كدة حنتفقس

دينا فهمي said...

هههههههه
طيب بصي يا هبه ممكن أعفيكي انتي من الاجابات اللي ممكن تفقسك (:

مبرمج حر said...

تمت الأجابه بسلام على التاج يا دينا

Solitude said...

إيه ده تاج في الغربة ؟...انتوا ما بترحموش ؟ :(
إن شاء الله أول ما أرجع هجاوبه!...يا رب تفضل تمطر على ما أرجع بس :(

دينا فهمي said...

احمد بجد حرام عليك انهاردة طوووووول اليوم كنت في الشارع في المطرة لما جالي تخلف
مستنيينك ترجع وتجاوب