Friday, February 2, 2007

كلمات لابد منها

الأسماء المدونة أدناه مرتبة حسب الترتيب الألف بائي لاحسب أي اعتبار آخر
*****
أحمد شريف.. آية.. عمرو.. محمد محرز.. هبة
وأمي
إذا مكثت بقية حياتي أتحدث عن جميل صنيعهم معي ما أوفيتهم نذرا يسيرا من حقهم
تحملوا مني ما لا يتحمله أحد
ونصحوني بكل ما أوتوا من قوة
وللحظات تصورت أن قلوبهم لم تشعر بي يوما.. وعقولهم لم تفهمني ولو للحظة
واكتشفت بعد ذلك أنني كنت الحمقاء الوحيدة
وأنهم جميعا لم يفعلوا ما فعلوا إلا لخوفهم عليّ وحبهم لي
.......
أحبكم وأحترمكم وأقدركم.. وأشكركم جزيل الشكر

18 comments:

SOLITUDE® said...

ايه يا خالة!!!عيب الكلام ده
لا شكر على واجب
:D
ما انتي كمان ليكي جمايل متتعدش
ده انتي السبب في الفرحة اللي انا عايشها دلوقتي...لو مكنتش سمعت بنصحيتك كان زماني مضيع من إيدي أجمل هدية

بصي بقى
انا ممكن أعدي لك أي حاجة...إلا حاجة واحدة بس عمري ما هنساها لك ومش هسامحك عليها أبدااااااااا
إنك كنتي السبب في معرفتي بأندلس
ههههههههههههه
:D

دينا فهمي said...

والله ضحكتني فعلا (:
استناها بأه لما تجيلك ترد عليك بنفسها
ربنا يسعدك كمان وكمان يا رب
انت تستاهل كل خير

هبة الله said...

ربنا يخليكي يا رب...

وان شاء الله نشوفك بأسعد حال وتفضلي كدة منورة حياتنا بحبك وتفاؤلك وشقاوتك ...

وكل اللي بنعمله معاكي ما بيوفي جزء من الدفءوالحب اللي بتدخليها قلوبنا من خلال مدونتك الرائعة...

ربنا يديمك لينا...

عايزة اقللك كلام كتير بس والله مش عارفة اعبر...

دينا فهمي said...

هبة
والله ربنا اللي يعلم مكانتك عندي وأد ايه انا بحبك
ربنا ما يحرمني من وجودك الجميل في حياتي

Anonymous said...

دينا الجميلة الهبلة ساعات

والله انت اللي معرفتي بيك متتعوضش وانا كل مرة بقلك كدة

لأنك من اعمق الناس اللي ممكن نتعرف عليهم

واحنهم واطيبهم

ناهيك عن عيبك الفظيع

متربية زيادة عن الزوم

اما الشخص اللي رد فوق دة اللي اسمه محرز

فهو فعلا انت غلطانة انك عرفتيه بيا

لكونو لا يستحق هذا الشرف اصلا

دمت لنا اختا وصديقة

لا حرمنا الله حشن عشرتك

آية...لهذه المرة فقط اوقع باسمي

SOLITUDE® said...

خليها تيجي
احنا هنخاف يعني ولا هنخاف؟!!!

دينا فهمي said...

يا اية يا حبيبتي ماتقدريش تمسكي لسانك ابدا؟؟
انا هبلة؟ ده انا اعقل مني مفيش بشهادتك انتي
هتفضلي تنفخي فيا لغاية ما افرقع (:

انتي عارفة مكانتك في حياتي من غير كلام
بأمارة حبيبة اللي بتقوللك مفيش حد بيكلم دينا الا انتي (:
ربنا ما يحرمني منك أبدا

ma 3lina said...

لا يعترف بالفضل لأهل الفضل إلا أهل الفضل ..
معلش والله يا جماعة .. حاسس أني غريب كده وحشرت نفسي في وسطكم .. بس أنا قلت أسلم بس وأمشي على طول
سلامو عليكم

-_- said...

لا يعترف بالفضل الا اهل الفضل و لا يشعر بالجود الا من جادت نفسه

دينا فهمي said...

ما علينا
شرم

متشكرة على مروركم وتعليقكم الجميل
وما تقلقوش ماحشرتوش نفسكم ولا حاجة (:
أهلا بيكم في كل وقت

الناي الحزين said...

السلام عليكم


جميل ان يعترف الانسان بفضل الناس عليه
ربنا يكرمكوا ويخليكوا لبعض دايما

SOLITUDE® said...

أندلس ولا آية ولا معرفش اسمك ايه:

"لكونو لا يستحق هذا الشرف اصلا"

رحمة الله عليك يا سيبويه...
وتبا لمن أهانوا اللغة العربية -ويا للعجب- يعلمونها للأجانب

Anonymous said...

معاك حق

لكونه..

عندي دي يا محمد

بس لعلمك انا كنت متاكدة انك هتعلق عليها

ظريف اوي انت

moodysalihamidzic said...

ربنا يعزك يا اخت دينا
حضرتك انسانة وفية جداً

واحـــد مـــــن الـنـــاس said...

ازيك يا دنيا
كل سنة وانتي طيبة

انا بعتلك تاجيب بحالهم تجاوبي عليهم
روحي الحقيهم قبل ما يخلصو بقا

محمد عبد الغفار said...

أعطاء كل ذى حق حقه واجب عام لكل الناس ، فما بالك بخصوص الخصوص

مبادره جميله منك سيثيبك عليها الله بكل تأكيد وياريت كلنا نعمل زييك ونشكر ونكرم كل الناس الحلوة اللى فى حياتنا

ربنا يخلييكم لبعض

Ahmad said...

إحم...مع إني ما بعرفش أرد على الحاجات دي، بس ربنا يكرمك !!
بسطتني قوي الموضوع ده !!...أصلي بحب أشوف اسمي أون لاين بالمناسبة! :D
لا لا ما بحبش كده اسألي محرز...بس معنديش مانع لو هيتقال علي كلام حلو زي اللي اتكتب فوق ده ! :S

Anonymous said...

متشكر قوي على الكلام الجميل ده يا دينا
جزاكِ الله خيراً !!
انتي عارفة أنا المدح الزيادة بيكسفنى ! ( shy (