Saturday, March 31, 2007

عدت أدراجي


أسير بسيارتي في اتجاه التقاطع
يراودني حنين جارف للمرور من أسفل بيته

إذا اتجهت يمينا سأكون عند بيته
وإذا اتجهت إلى اليسار سأعود أدراجي إلى بيتي

أعطيت لمن خلفي إشارة بأنني اخترت اليمين

ثم جاء وقت مرور المشاة فتوقفت قبل أن أصل إلى التقاطع

صمت

ثم زفرة حارة لا إرادية
واتجاه إلى اليسار

Friday, March 30, 2007

يا رب


يا رب غفرانك إنا صغار

ندب في الدنيا دبيب الغرور

Thursday, March 29, 2007


الحمقى وحدهم هم الذين يعيشون في سعادة دائمة

مجرد سؤال

لِم أشعر بالاستياء؟
ألوجودك الذي لم يختلف كثيرا عن فكرة عدمه دخل بالأمر؟

Wednesday, March 28, 2007

حسبي الله ونعم الوكيل


أعلن حالة حداد رسمي

والعاقبة عندكم في المسرات

نحن في الانتظار تلاتة خمسة واحد أربع أصفار

النتيجة في الطريق
يا مسهل

Saturday, March 24, 2007

هو

برهة من عمره
يكمن فيها... أبد

ما بعد الحفل

لم أستطع إلا أن ابتسم له بود
ونسيت تماما أن آخر عهدي به كان جملة واحدة
مش عايزة أعرفك تاني
ولا يجوز له الآن إلا الدعاء بأن يبارك الله له في حياته الجديدة وأن يجعله من السعداء
.......
الخطأ
تكون نتيجته ابتسامة كاذبة على الشفاه
وحسرة في العيون
وصمت تام في لحظات الخلوة
......
اللهم يسر لنا طريقك القويم واجعلنا من أصحابه

Friday, March 23, 2007

حوار

ازيك؟؟-
الحمد لله-
ايه أخباراتك انهاردة؟-
كويس الحمد لله-
بس على فكرة
كلمة أخباراتك دي بتاعتي أنا أصلا
وكلمة أصلا دي بتاعتي أنا-

Thursday, March 22, 2007

بإذن الله

سأذهب إلى حفل الزفاف غدا
لأثبت للجميع أنني الأفضل على الإطلاق
وأنني حين أقرر أن أكون شيئا
أكونه
وسأنظر في عينيه غدا بتحدٍ
فهو يعلم أن بمقدوري أن أقلب الموقف كله رأسا على عقب
ولكن لأنني أنا
وأنا أعلى من ذلك
فلن أفعل ما يضر أحدا
....
يكفيني نظرة الانكسار في عينيه

Wednesday, March 21, 2007

أكتب بالأخضر


وكأن الله سبحانه وتعالى يؤكد لي أنني على طريق الصواب
أحمدك ربي عدد كل ما هو جميل
......
نجحت في اختباري لنفسي
أو فلنقل اختبار الزمن
......
الساعة الآن الثانية بعد منتصف الليل
وقلبي مازال ينبض بطبيعية
ولم ينخلع من مكانه مع دقات الساعة الثانية عشر التي أعلنت عن بدأ يوم 21 مارس لعام 2007
......
الآن
وبكل ثقة
أستطيع الجزم بأنني أصبحت دينا التي أريد
والتي أرادها لي منذ زمن كل المقربين
ولأثبت للجميع ذلك.. أكتب بالأخضر

Tuesday, March 20, 2007

خروجا عن القاعدة

موبايلي باظ
ومحبطة بجد
....
تحديث
مفتقدة فيروز قبل ما أنام وأنا بذاكر وأنا برتب أوضتي الصبح

Sunday, March 18, 2007

إن شاالله ما حد حوش

أحمد ومحمد عبد الغفار ليهم في ذمتي تاج
يللا عشان لو جرالي حاجة ماتقولوش إني كنت مانعة عنكم التاجات
.....
الأولة بسم الله
اسم مدونتك؟
بالعربي الفصيح

لماذا اخترته.. ماذا تقصد به؟
السؤالين بيتهيألي إجابتهم واحدة
أنا كنت عايزة أثبت لكل اللي هيقرأ كلامي في يوم إن اللغة الفصحى قادرة على التعبير عن كل المشاعر الإنسانية ببساطة وسلاسة ممكن كل الناس تفهمها
وإن الفصحى مش لغة قاصرة على الكلام المكلكع اللي مش مفهوم.. وخدت عهد على نفسي إني مش هكتب في المدونة إلا بالفصحى.. وماخرجتش عن القاعدة دي إلا مرة واحدة كتبت فيها زي حكمة بالإنجليزي لإني كنت شايفة إن معناها أحلى وهي مش مترجمة
والحالة التانية اللي مش بكتب فيها بالفصحى إني أكون بجاوب على تاج لأن مش معنى إني عايزة أوضح إن الفصحى لغة مناسبة لكل وقت إني ضد العامية.. بالعكس أنا مؤمنة إن العامية هي لغتي الأصلية مش الفصحى
هل فكرت في إغلاق المدونة.. والسبب؟
طبعا فكرت ونفذت كمان وبعد كده رجعت في كلامي
أما عن السبب فلأني حسيت إن عالم المدونات والمنتديات والنت بصورة عامة عالم افتراضي بحت ومابيستمرش في الارتباط بيه -مع الاعتذار للكل- إلا شخصيات غير متأقلمة اجتماعيا مع من حولها
يعني في اعتقادي إن معظم -إن لم يكن كل- اللي مرتبطين بالعوالم الافتراضية دي عندهم مشكلة في التواصل مع الآخر على أرض الواقع مع اختلاف المشاكل المسببة لعدم القدرة على التواصل
ولما اتأكدت من النقطة دي حزّ في نفسي أوي إن أنا أبأى قدام نفسي عندي مشكلة في التواصل مع الناس وقلت لا لازم أعمل شجيعة السيما وأبعد عن العالم ده خالص عشان أبأى صحيحة نفسيا واجتماعيا وفنتظيا وكل حاجة
وفي الآخر لقيت نفسي مرتبطة فعلا بالمدونة وبالناس.. فرجعت
اوعوا تفتكروا إني رجعت عشان عندي مشكلة في التواصل
لااااااا
لا يمكن أبدا

صورتك ف المدونة، رمزيتها؟
ماعنديش صورة رمزية

طبيعة كتابتك في المدونة بشكل عام.. سياسة.. قصة.. عبث.. كلام فاضي؟
كتاباتي في المدونة هي أنا
وأنا ماليش في السياسة ولا الرياضة ولا أي حاجة من شأنها رفع الضغط
متذوقة لبعض الشعروالباقي عبث وكلام فاضي
ولكنه عبث وكلام فاضي بيشاركني فيه كل الناس ولو بجزء بسيط

لماذا تدون أصلاً؟
من 10 سنين تقريبا ابتديت أعبر عن اللي جوايا بالكتابة
في البداية كنت مابحبش إن حد يقرا اللي بكتبه
وبعد فترة اكتشفت إني ممكن أكتب وأنشر كلامي لناس مايعرفوش عني أي حاجة
وراقت لي الفكرة جدا.. فابتديت أنشر اللي بكتبه على منتديات كنت مشتركة فيها
وكان في منتدى بحبه جدا فتحت لنفسي فيه موضوع مخصوص عشان أكتب فيه حاجات بنفس الأسلوب اللي بكتب بيه في المدونة حاليا..اللي هو جمل بسيطة وقصيرة بتعبر عن اللي جوايا سواء كانت من تأليفي أو مقتبسة
وبعدين لقيت إن الأحلى إني أعمل مدونة لنفسي من بابها بدل الموضوع اللي في المنتدى.. وفعلا لقيت هنا بغيتي

أحلى جملة قيلت لك في وصف مدونتك؟
أجمل حاجة حد قالهالي هي جملة أحمد اللي قالهالي لما قفلت مدونتي فترة
قال بالنص: مدونتك كانت محطة مهمة جدااااا.. هاقولك أزاى
تخيلى معايا فضاء كبيـــــــــــــــــــــــــــــر أسمه فضاء الحرية .. والفضاء مليان احياء و شوراع و فيه وسط البلد.. فى تخيلى أنا , ان وسط البلد فيه المدونات المتميزةمدونتك أنتى فى وسط البلد , فى وسط فضاء الحرية مع مدونات تانية متميزة برضوهأنا بقى أنزل وسط البلد.. أروح المدونة دى شوية و أعدى على المدونة شوية وأروح المدونة بتاعتك أشرب شاى بالنعناع

التعليقات بالنسبة لك.. أهميتها؟
بحس إن في ناس حسة بيا ومشاركاني كل حالاتي

أحلى بوست كتبته.. ضع اللينك.. ثم اذكر لماذا؟
كلمة أحلى دي أنا مش مستريحة لها الحقيقة
لإن أحلى معناها بيتهيألي إن الموضوع معايير الحكم عليه المفروض تكون معايير فنية بحتة
فأنا هختار موضوعين بمعيارين مختلفين
معيار فني ومعيار شخصي
الموضوع ذو المعيار الفني هو موضوع آخر كلماتي
والموضوع ذو المعيار الشخصي هو موضوع حدد طريقك لأنه كان إيذانا بنقطة تحول في حياتي

أفضل مدونة قرأتها.. يمكن اختيار عدة مدونات؟
كل مدونة أنا بتابعها هي في نظري من أفضل المدونات
ومعياري في الاختيار مش معيار فني ولا حاجة.. معيار روحي لو جاز التعبير
حاجة كده زي ما ممكن تدخل قصور كلها فخامة و أبهة وماترتحش وساعات تدخل بيوت بسيطة لكن تحس إن كل حاجة فيها حقيقية
البسمة حقيقية الحزن حقيقي المشاعر حقيقية كل حاجة حقيقية
بالظبط ده حال المدونات
ساعات بدخل مدونات المستوى الثقافي والفكري واللغوي بتاع أصحابها هايل لكن مش ببأى مبسوطة
يمكن العتب على الفهم.. الله أعلم بس دي الحقيقة

أفضل بوست قرأته.. يمكن اختيار أكثر من بوست.. ومتنساش اللينك؟
كل بوست انفعلت بيه ورديت عليه عند حد يبأى عجبني
وصعب أوي موضوع أفضل بوست ده بجد مفيش حاجة معينة في بالي

هل خسرت صديق بسبب كتابة هنا؟
لا الحمد لله

حد قل أدبه فى التعليق.. إيه رد فعلك؟
أيوة في
دخل مجهول وفاكرني مش عارفاه وأكيد اتصدم ياعيني لما لقاني مفعلة خاصية إن الردود تعدي عليا قبل ماتتنشروكل اللي عملته إني رفضت نشر التعليق

أسوأ مدونة.. الإجابة إجبارية.. ويمكن اختيار عدة مدونات.. هي كتيرة أصلاً :) ؟
مدونات المثليين والمثليات
الحمد لله الذي عافانا

أسوأ بوست.. لازم تجاوب.. ويسمح بتعدد الاختيارات؟
أي بوست بيتكلم عن موضوع غير لائق سواء دينيا أو اجتماعيا

أسوأ مدون.. ما هو حاتجاوب حاتجاوب؟
مفيش حد في بالي والله
اللي مابيعجبنيش مابدخلوش تاني وانسى الفكرة وخلاص

من قصيدة دين الأحياء


ووصفتَ قيساً في شديدِ بلائه....ظمآن يطلب قطرةً من ماءِ
ظمآن حين الماء ليلى وحدُها....عزَّت عليه ولَم تُتح لظماءِ
هيمان يضرب في الهواجر حالماً....بظلال تلك الجنة الفيحاءِ
فاذا غفا فلطيفها، وإذا هفا....فلوجهها المستعذبِ الوضّاءِ

يا للقلوب لقصةٍ بقيت على....قِدم الدهور جديدةَ الأنباءِ
هي قصةُ الطيف الحزين، وصورةُ....القلب الطعين، مجللاً بدماءِ
هي قصةُ الدنيا، وكم من آدم....منا له دمعٌ على حوّاءِ
كل به قيسٌ إذا جنَّ الدجى....نزع الإباءَ وباح بالبرحاءِ
فاذا تداركه النهارُ طوى المدا....معَ في الفؤاد وظُنَّ في السعداء
لا تعلم الدنيا بما في قلبه....من لوعةٍ ومرارةٍ وشقاء
كلٌّ له "ليلى" ومن لَم يَلقها....فحياته عبثٌ ومحضُ هباءِ
كلٌّ له "ليلى" يرى في حبها....سرّ الدُّنى وحقيقة الأشياءِ
ويرى الأماني في سعير غرامها....ويرى السعادةَ في أتمِّ شقاءِ
الكونُ في إحسانها والعمرُ عند....حنانها، والخلدُ يومُ لقاءِ
.......

Friday, March 16, 2007

خبا شيء

وجدت نفسي أستمع إلى أغنية فيروز بلا وعي
....
تبأى ميّل تبأى إسأل
متل الأول ضل إسأل
الله لا يشغل لك بال
وديلي منك مرسال
إسأل إسأل
....
ليست المشكلة إذن في أن يضل يسأل
بل أن يظل يسأل متل الأول

Thursday, March 15, 2007

بعد شهر


بعد شهر تصالحت فيه مع كل ما حولي

وصار القمر في نظري أكبر وأحلى

عدت